Son Xəbər: Azərbaycan neftinin qiyməti 105 dollara yaxınlaşır, İlham Əliyev Corcia Melonini ən uzun müddət Baş nazir vəzifəsində olması münasibətilə təbrik edib, BİZİM TƏQVİM:4 sentyabrda baş vermiş tarixi hadisələr, Bu gün Bakı və Abşeronun bir sıra ərazilərində işıq olmayacaq, ABŞ-nin hücumları zamanı ölən İran hərbçilərinin sayı artdı, Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib, Putinin mühafizəsi GÜCLƏNDİRİLİB, LMAC rəsmisi: Livanın cənubundakı münaqişə minatəmizləmə əməliyyatlarına da təsir göstərib, Ceyhun Bayramov ATƏT PA prezidenti ilə Azərbaycan-Ermənistan sülh gündəliyini müzakirə edib, Valideyn-dövlət-özəl əməkdaşlığı əsasında seçilən özəl bağçaların siyahısı açıqlanıb,

BMT: Benqal körfəzində iki qayıq batıb, 500-dən çox Rohinca qaçqını ölüb

Tarix: 16-07-2026, 13:05

Benqal körfəzində Myanmadan yola çıxan Rohinca qaçqınlarını daşıyan iki qayığın batması nəticəsində 500-dən çox insanın öldüyü ehtimal edilir.

Bu barədə BMT-nin Qaçqınlar üzrə Ali Komissarlığı və Beynəlxalq Miqrasiya Təşkilatı bu gün birgə bəyanat yayıb.

Bildirilib ki, qayıqlar iyunun sonlarında Myanmanın Raxin ştatından yola düşüb. Sərnişinlərin əksəriyyətini Rohinca müsəlmanları təşkil edib. Onların bir hissəsinin Banqladeşin Koks-Bazar qaçqın düşərgələrindən gəldiyi qeyd olunur.

İlkin məlumata görə, təxminən 250 nəfərin olduğu ilk qayıq yola düşdükdən qısa müddət sonra itkin düşüb. 280 nəfərə yaxın sərnişini daşıyan ikinci qayığın isə iyulun 8-də Myanmanın Ayeyarvadi sahilləri yaxınlığında batdığı ehtimal edilir.

BMT bölgədə axtarış-xilasetmə tədbirlərinin gücləndirilməsinə, həmçinin dəniz yolu ilə qaçmağa məcbur qalan rohincaların müdafiəsi üçün beynəlxalq ictimaiyyəti təcili tədbirlər görməyə çağırıb.