Son Xəbər: "Zirə"nin legioner futbolçuları ölkələrinin milli komandalarına dəvət alıblar, İranın Ali Milli Təhlükəsizlik Şurası Rəşt-Astara dəmir yolunun tikintisi üzrə razılaşmanı təsdiqləyəcək, Zakir Həsənov Pakistana başsağlığı verib, Si Cinpin sentyabrın 23-25-də ABŞ-a səfər edəcək, Rusiyanın Ukraynaya hücumlarında 1 nəfər ölüb, 9 nəfər xəsarət alıb, Mərkəzi Bank bu həftə növbəti dəfə uçot dərəcəsi ilə bağlı qərarını açıqlayacaq, Sabirabadda yol qəzasında bir ailənin üç üzvü xəsarət alıb, 23 saat 43 dəqiqə: Suverenlik, separatizmin sonu və Cənubi Qafqazda yeni reallıqlar - ŞƏRH, Prezident bir qrup neft sənayesi işçisini təltif edib - SƏRƏNCAM, İran və Pakistan xarici işlər nazirləri telefonla danışıb,

Overçuk: Rusiya və Ermənistan arasında ticarət dövriyyəsi bu il üçdə iki dəfə azalıb

Tarix: 6-08-2026, 12:16

Rusiya və Ermənistan arasında ticarət dövriyyəsi 2026-cı ildə üçdə iki dəfə azalıb.

Bu barədə Rusiya hökuməti sədrinin müavini Aleksey Overçuk Qırğızıstan-Rusiya iqtisadi forumu çərçivəsində jurnalistlərə bildirib.

"2024-cü ildə Rusiya və Ermənistan arasında ticarət dövriyyəsi rekord göstəriciyə - təxminən 12 milyard ABŞ dollarına çatıb, ötən il 8 milyard dollara düşüb. Bu il ticarət dövriyyəsində çox dramatik azalma (2025-ci ilin göstəricilərinə nisbətən təxminən üçdə iki dəfəyə qədər) gedir", - o deyib.

A.Overçuk qeyd edib ki, göstəricilərin bundan sonra da azalacağı bir vəziyyət yaranır.

"Hazırda Avrasiya İqtisadi İttifaqı (Aİİ) və Ermənistan münasibətlərində yaranan vəziyyət proqnozlaşdırılan idi. Biz son illər ərzində Ermənistandakı həmkarlarımıza belə risklərin, xüsusilə də ticarət dövriyyəsinin azalması risklərinin mövcud olduğunu deyirdik", - o vurğulayıb.

Qeyd edək ki, Ermənistanın Baş naziri Nikol Paşinyan bu gün Avrasiya Hökumətlərarası Şurasının növbəti sessiyasında iştirak etmək üçün Çolpon-Ataya (Qırğızıstan) yola düşüb. Sessiyada Aİİ-Ermənistan münasibətləri müzakirə oluna bilər.