Son Xəbər: Bakıda 10 ünvanda minib-düşmə yerləri və taksi duracaqları təşkil olunub, Daşkənddə İslam dünyasının mədəni irsi və İslama dair stereotiplərlə mübarizə müzakirə edilib, Azərbaycanın kişi boksçulardan ibarət millisi Gürcüstanda təlim-məşq toplanışı keçəcək, Prezident İlham Əliyev "Sabah"ı təbrik edib, Kəmaləddin Heydərov Kəlbəcərdə vətəndaşları qəbul edəcək, Bu gün Laçın Şəhəri Günüdür, Bu gün Mehriban Əliyevanın doğum günüdür, Mərkəzi Neftçilər Xəstəxanasında onlayn növbə sistemi istifadəyə verilib, Beynəlxalq axtarışda olan şəxs Qazaxıstandan Azərbaycana ekstradisiya edilib, Sabah Bakı və bəzi bölgələrdə güclü külək əsəcək - XƏBƏRDARLIQ,

Prezident İlham Əliyev "Sabah"ı təbrik edib

Tarix: Bugün, 11:18

Prezident İlham Əliyev "Sabah" futbol klubunu UEFA Çempionlar Liqasının əsas mərhələsinə vəsiqə əldə etməsi münasibətilə təbrik edib.

Bu barədə Prezidentin "X" hesabında paylaşım edilib.

"Sabah" futbol klubunu möhtəşəm zəfər qazanaraq UEFA Çempionlar Liqasının əsas mərhələsinə vəsiqə əldə etməsi münasibətilə ürəkdən təbrik edirəm.

Yeni yaradılmış bir komandanın qısa müddət ərzində belə böyük nailiyyətə imza atması xüsusi sevinc və qürur doğurur. Klublarımızın ardıcıl ikinci dəfə dünyanın ən güclü klub turnirinin əsas mərhələsində mübarizə aparmaq hüququ qazanması Azərbaycanın bütün sahələrdə əldə etdiyi tərəqqinin, ölkəmizin idman dövləti kimi mövqeyinin daha bir bariz göstəricisidir.

"Sabah" klubuna qarşıdakı matçlarda yeni-yeni qələbələr və uğurlar arzulayıram!", - paylaşımda qeyd olunub.

Xatırladaq ki, Çempionlar Liqasının pley-off mərhələsində İsrailin "Hapoel" (Beer-Şeva) klubuna səfərdə 1:2 hesabı ilə məğlub olan "Sabah", Bakıda əsas vaxtda 3:2 hesabı ilə qalib gəlib. Əlavə vaxtda daha 2 qol vuran Azərbaycan təmsilçisi Çempionlar Liqasının qrup mərhələsinə vəsiqə qazanıb.