Son Xəbər: Gürcüstan Prezidenti Azərbaycana yeni təyin olunmuş səfirlə görüşüb, Təhsil dövrü 5 il olan hərbçilər üçün "leytenant" rütbəsinin müddəti azaldılır, Bakıda keçirilən beynəlxalq audit konfransının iştirakçıları Prezidentə müraciət ediblər, Haaqa məhkəməsində Kosovo Azadlıq Ordusunun rəhbərlərinə hökm oxunub, Ermənistan Konstitusiya Məhkəməsi TRIPP layihəsi üzrə sazişi təsdiqləyib, Bakıda 32, rayonlarda 35 dərəcə isti olacaq, Prezident İlham Əliyev “Qobustan” Günəş Elektrik Stansiyasının açılışında iştirak edib, İlham Əliyev Auditorlar Palatasının üzvlərini və əməkdaşlarını təltif edib, İlham Əliyev Auditin inkişaf mərhələlərinə həsr edilən beynəlxalq konfransın iştirakçılarına müraciət göndərib, Zakir Həsənov 13-cü Pekin Syanşan Forumunda iştirak edib,

Haaqa məhkəməsində Kosovo Azadlıq Ordusunun rəhbərlərinə hökm oxunub

Tarix: Bugün, 14:36

Haaqadakı Kosovo üzrə Xüsusi Palataların Məhkəmə Heyəti keçmiş Kosovo Azadlıq Ordusunun (KLA) rəhbərləri Haşim Taçi və Yakup Krasniçi hərəsini 25 il həbs cəzasına məhkum edib.

"Report"un Balkan bürosu xəbər verir ki, Məhkəmə Kollegiyasının sədri hakim Çarlz Smit bildirib ki, məhkəmə 1998–1999-cu illərdə Kosovo və Metoxiyada Kosovo Azadlıq Ordusunun (KLA) üzvlərinin qanunsuz və ya özbaşına həbs və azadlıqdan məhrumetmə, eləcə də qətl kimi hərbi cinayətlər törətdiyini təsdiqləyib.

Hökm elan edilərkən hakim bildirib ki, təqdim olunan bütün sübutlar əsasında Məhkəmə Heyəti 1998-ci ilin aprelindən 1999-cu il iyunun 20-dək Kosovo Azadlıq Ordusunun üzvlərinin ən azı 385 nəfəri özbaşına azadlıqdan məhrum etdiyini müəyyən edib.

Məhkəmə Heyəti müəyyən edib ki, 1998-ci ilin aprelindən 1999-cu il iyunun 20-dək 348 nəfər amansız rəftara məruz qalıb, onlardan 303 nəfərə isə işgəncə verilib.

Bununla belə məhkəmə qərara gəlib ki, KLA ilə o vaxtkı Yuqoslaviya Respublikası, yəni serb qüvvələri arasında qeyri-beynəlxalq silahlı münaqişə 1998-ci ilin martından 1999-cu il iyunun 20-nə qədər davam etdiyindən həmin dövrdən sonra sonra baş verənlər hərbi cinayət kimi tövsif edilməyəcək.