Son Xəbər: ABŞ Kubaya yanacaq daşıyan gəmini saxlayıb, İlham Əliyev: Gələn il təhlükəsizlik üçün təqribən 9 milyard manat nəzərdə tutulur, Moldova Azərbaycan şirkətlərinin Aİ bazarına çıxışına dəstək verə bilər, Binəqədi şosesində yol hərəkətinin təşkili dəyişdirilib, 15 yaşlı qız evlənmək məqsədilə qaçırıldı, Rusiya onları beynəlxalq axtarışa verdi, Ötən ay dövlət sərhədini pozan 16 əcnəbi saxlanılıb, Rusiya ordusu Kiyevə zərbə endirib, Dnepr çayı üzərindəki əsas körpü vurulub, İsraildə yüngülmühərrikli təyyarə qəzaya uğrayıb, 2 nəfər xəsarət alıb, İlham Əliyev: Heydər Əliyevin hakimiyyətə qayıtması xalqın tələbi idi,

ABŞ Avropa və Yaxın Şərqə nəzərdə tutulan 52 milyonu Latın Amerikasına yönəldəcək

Tarix: Dün, 09:34

ABŞ Prezidenti Donald Trampın administrasiyası daha əvvəl Avropa və Yaxın Şərqin bir sıra ölkələri üçün nəzərdə tutulan 52 milyon dollar vəsaiti Latın Amerikası ölkələrinə dəstəyə yönəltmək qərarına gəlib.

İlkin olaraq Slovakiya, Şimali Makedoniya, Tunis və İraq üçün təsdiqlənmiş vəsait Panama, Peru, Ekvador və Kolumbiyaya yönəldiləcək.

Qəzetin məlumatına görə, Dövlət Departamenti müvafiq planlar barədə Konqresi hələ sentyabr ayında məlumatlandırıb. Demokrat senator Cin Şeyhin və Demokratlar Partiyasından Nümayəndələr Palatasının üzvü Qreqori Miks vəsaitlərin yenidən bölüşdürülməsinə qarşı çıxaraq prosesi bloklayıblar.

Lakin administrasiya bu həftə qanunvericilərin etirazlarına baxmayaraq vəsaitlərin yenidən bölüşdürülməsini həyata keçirmək niyyətində olduğunu Konqresə bildirib.

Dövlət Departamenti The Washington Post qəzetinə açıqlamasında qərarın ABŞ-ın milli maraqlarına uyğun olduğunu bildirib.

"Vəsaitlərin Yaxın Şərqdən və Avropadan Qərb yarımkürəsinə yönəldilməsi milli təhlükəsizlik strategiyasına uyğundur. Regionumuza yönəldilən maliyyələşdirmə Qərb yarımkürəsində narkoterrorizmlə mübarizəyə kömək edəcək və Panama kanalının təhlükəsizliyinin təmin olunmasına töhfə verəcək", – deyə nazirlik qeyd edib.