Son Xəbər: Ursula fon der Lyayen iyulun 1-də Azərbaycana səfər edəcək, Venesuela Səhiyyə Nazirliyi: Zəlzələlər nəticəsində 235 nəfər ölüb, 4,3 min nəfər xəsarət alıb, ABŞ yığması DÇ-2026-da tarixi qol rekordunu yeniləyib, Mehriban Əliyeva 26 İyun - Silahlı Qüvvələr Günü münasibətilə paylaşım edib, Prezidentin sosial media hesablarında Azərbaycan Ordusu ilə bağlı videoçarx paylaşılıb, TƏBİB regionlarda həkim çatışmazlığının həlli üçün təhlillərə başlayıb, Su polisi Hövsanda əməliyyat keçirib, külli miqdarda narkotik aşkarlanıb, İƏT Parlament İttifaqı Konfransının 20-ci sessiyası başa çatıb - YENİLƏNİB, Azərbaycan Mozambiki Müstəqillik Günü münasibətilə təbrik edib, 600 bal toplayanların ən çoxu I qrupdadır,

Şahruddindən qalmaqallı paylaşım – Şəkillər

Tarix: 23-11-2022, 21:33

Azərbaycan millisinin və “Qarabağ”ın qapıçısı Şahruddin Məhəmmədəliyev özünün İnstaqram səhifəsində Almaniya milli komandası ilə bağlı qalmaqal yarada biləcək paylaşım edib.

O, Almaniya millisinin bu gün DÇ-2022-də Yaponiyaya qarşı matçdan öncə çəkdirdiyi şəkli 11 rəqəmi və xoruz emojisi ilə paylaşıb. Bu isə futbolçulara xitabən “11 xoruz”deməkdir.

Bəs, belə bir paylaşım nə ilə əlaqədardır?

Məlum olduğu kimi, daha əvvəl müxtəlif Avropa ölkələrinin federasiyaları bəyan edib ki, Qətərdə insan hüquqlarının pozulmasına qarşıdırlar. Bu səbəbdən və diskriminasiyaya etiraz kimi komandaları LGBT-yə dəstək olaraq DÇ-2022 zamanı meydana One Love yazılı göy qurşağı təsviri olan kapitan sarğıları ilə daxil olmağı planlaşdırırlar. Lakin FİFA milli federasiyaların bu istəyinə qarşı çıxıb. Qurum komandaların kapitanlarına üzərində göy qurşağı təsviri olan sarğı ilə meydana çıxmağı qadağan edib.

Bu gün isə Almaniya millisinin əsas heyətinin bütün üzvləri çəkdirdiyi kollektiv şəkildə əlləri ilə öz ağzlarını yumublar. Güman etmək olar ki, bununla onlar FİFA-ya etirazlarını ifadə ediblər.

Şahruddin İnstaqramın “History” bölməsində növbəti paylaşımında isə almanlara 2:1 hesabı ilə qalib gələn Yaponiya millisinin qələbə sevincinin şəklini yerləşdirib. O, şəklin üzərinə “One Love” sözlərini yazıb və gülüş emojilərı atıb.