Son Xəbər: Tramp: NATO da eyni işi görsə, Rusiyaya sanksiya tətbiq etməyə hazıram, QMi sədri Qazaxıstanda gənc dini liderlərə xitab edəcək, Müdafiə Nazirliyi məlumat yaydı, Sabahın hava proqnozu açıqlanıb, Xocalının daha bir kəndinə İLK KÖÇ oldu, Məktəblərdə şagird sıxlığı: Siniflər hansı hallarda birləşdirilir?, Goranboydakı cinayətin TƏFƏRRÜATI, Qızılağac Milli Parkının ərazisində yanğın olub, Kamçatkada 7,1 bal gücündə zəlzələ olub, sunami təhlükəsi elan edilib, Mirzoyan Türkiyənin xüsusi nümayəndəsi Serdar Kılıçla görüşüb,

Pele ilə vida mərasimi “Santos”un stadionunda keçiriləcək – YENİLƏNİB

Tarix: 30-12-2022, 07:22

Braziliyalı üçqat dünya çempionu Pele ilə vida mərasimi ona doğma olan “Santos” futbol klubunun San-Paulu ştatının eyniadlı şəhərindəki stadionunda keçiriləcək.

Mərasimin gün yarım davam edəcəyi gözlənilir. Pelenin cənazəsi olan tabutun 1956-cı ilin noyabrında “Santos” ilə debüt etdiyi meydanın ortasına qoyulması planlaşdırılır.

Onunla vidalaşmaq istəyənlər 1 və 2 nömrəli qapılardan stadiona buraxılacaq və 7 nömrəli qapıdan çıxacaqlar. Tabutun qarşısında dayanmaq qadağan olunacaq.

00:34

Futbol üzrə üçqat dünya çempionu braziliyalı Pelenin ölümünə səbəb daxili orqanların çoxsaylı çatışmazlığı olub.

Bu barədə onun vəfat etdiyi Albert Eynşteyn klinikasının rəsmi bülletenində məlumat verilib.

Bildirilib ki, orqanların çatışmazlığı bağırsaq xərçənginin mənfi dinamikası nəticəsində yaranıb.

Klinikanın mətbuat xidməti keçmiş futbolçunun ailəsinə və sevimli Futbol Kralının itkisinə görə kədərlənənlərin hamısına başsağlığı verib.

23:05

Braziliyalı üçqat dünya çempionu Pele 82 yaşında vəfat edib.

Onun uzun müddət bağırsaq xərçəngindən müalicə olunduğu bildirilmişdi.

Son həftələrdə koronavirusa yoluxan futbolçunun səhhəti daha da ağırlaşmışdı.

Peşəkar karyerası ərzində Pele 1363 matçda 1281 qol vurub, o cümlədən "Santos"un heyətində 1116 oyunda 1091, millidə isə 92 oyunda 77 qol vurub ki, bu da dünya rekordudur.

Mənbə: TASS