“Biz sizinlə aşağı səviyyədə rəqabət etmək istəmirik” - “Qalatasaray”ın prezidenti

Tarix: 22-03-2023, 10:57

 
“Biz sizinlə aşağı səviyyədə rəqabət etmək istəmirik. Böhtanlarla rəqabəti səviyyəsiz etməyə çalışırsınız. Biz isə bunu rədd edirik”.

Bunu “Qalatasaray"ın prezidenti Dursun Özbək sosial media hesabında paylaşıb.

O, "Fənərbaxça"nın prezidenti Ali Koçun, - "Cəsarətiniz varsa, etdiyiniz bütün bu manipulyasiyalar və böhtanlardan danışmaq üçün vaxt itirmədən sizi canlı yayıma dəvət edirəm", - çağırışına cavab verib.

D. Özbək bildirib ki, bu, illərdir davam edən uğursuzluqları örtmək üçün klub rəsmisinin etdiyi addımdır:
“İllərdir davam edən uğursuzluqları örtmək üçün insanları aldatmaqdan, manipulyasiya etməkdən əl çəkin. Köhnə fikirli zehniyyətinizlə öz azartkeşlərinizi aldatmaq, onlara yaxşı görünməkdən vaz keçin”.

Qeyd edək ki, bu gün mətbuat konfransında “Galatasaray” klubunun prezidenti Dursun Aydın Özbek “Fenerbaxça” klubunu sərt tənqid edib. İttihamlara cavab olaraq klub prezidenti Ali Koç bütün deyilənləri böhtan adlandıraraq “Qalatasaray” rəhbərini debata çağırıb.