Son Xəbər: Zelenski Ukrayna nümayəndə heyətinin ABŞ-yə yenidən səfər edəcəyini açıqlayıb, Anar Əsədli ilə bağlı yeni qərar verilib, Burun əməliyyatından sonra xəstənin ölümündə təqsirləndirilən həkimə hökm oxunub, Milli Məclisin növbəti plenar iclası oktyabrın 17-də keçiriləcək, Azərbaycan tarixinə həsr olunmuş yeni filmin çəkilişlərinə başlanılıb, G7 səfirləri Rusiyanın Ukraynaya zərbələrinə görə təcili görüşə toplaşıblar, MDB ölkələrinin liderləri Düşənbədə 19 sənəd imzalayıb - YENİLƏNİB, Ramil Həsən mandatının ləğvi üçün MSK-ya müraciət edib - RƏSMİ, Təzə Pir məscidində Xalq artisti Əminə Yusifqızı ilə vida mərasimi keçirilir, Rusiyanın Kiyevə gecə saatlarında endirdiyi zərbələr nəticəsində 12 nəfər yaralanıb,

Lənkəranda Cənub Regional Boks Mərkəzinin açılış mərasimi keçirilib

Tarix: 12-06-2025, 16:02

Lənkəranda Cənub Regional Boks Mərkəzinin açılış mərasimi olub.

Tədbirdə gənclər və idman naziri Fərid Qayıbov, Azərbaycan Boks Federasiyasının (ABF) vitse-prezidenti Vüsal Nəsirli, Lənkəran şəhər İcra Hakimiyyətinin başçısı Taleh Qaraşov və digər rəsmilər iştirak ediblər.

Qonaqlar Mərkəzlə tanış olub, yeniyetmə boksçuların məşqlərini və döyüşlərini izləyiblər. Gənclər və idman naziri Fərid Qayıbovla ABF-in vitse-prezidenti Vüsal Nəsirli müvafiq tövsiyə və tapşırıqlarını veriblər.

Mərkəz ABF tərəfindən müasir tələblərə cavab verən lazımı avadanlıqlarla təchiz olunub. Yeni boks ocağının ümumi sahəsi 2,5 hektardan çoxdur və inzibati bina iki mərtəbədən ibarətdir. Burada birinci mərtəbədə məşq zalı və iki rinq idmançıların ixtiyarına verilib. Mərkəzdə məşqçilərin toplantı otağı, 2 paltardəyişmə otağı, trenajorlar və minifutbol meydançası var.

Qeyd edək ki, ABF-in əsas fəaliyyət istiqamətlərindən biri regionlarda boksa olan marağı daha da artırmaq, kütləviliyini təmin etmək və maddi-texniki bazasını gücləndirməkdir. Cənub Regional Boks Mərkəzindən başqa, Bakı Boks Mərkəzi və Sumqayıt şəhər stadionunda Boks Təlim Mərkəzi də fəaliyyət göstərir.