Son Xəbər: Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur, Xəzər dənizində zəlzələ olub, Nazirlər Kabineti şagirdlərin geyim formasının standartlarını təsdiqləyib,

Bakıda keçirilən beynəlxalq tennis turnirinin qalibləri müəyyənləşib

Tarix: 8-06-2026, 10:03

Azərbaycan Tennis Federasiyasının təşkilatçılığı ilə "ITF Juniors – J60 Baku" beynəlxalq tennis turnirinin qalibləri müəyyənləşib.

Yarış Bakı Tennis Akademiyasında baş tutub.

Turnirdə Azərbaycanla yanaşı, Türkiyə, Qazaxıstan, Gürcüstan, İsrail, Slovakiya, Fransa, Avstraliya, Özbəkistan, Hindistan, Ukrayna, Türkmənistan və Macarıstandan olan, həmçinin neytral status altında çıxış edən tennisçilər iştirak ediblər.

Oğlanların fərdi yarışında Kuzey Kerem Bayrak 1-ci, Samuel Şifano isə 2-ci olub. Qızların fərdi yarışında Polina Kaşitsuna 1-ci, Leyla Şahmuradova isə 2-ci yeri tutub.

Oğlanların qoşa yarışında Luka İlesku və Samuel Şifano cütlüyü qalib gəlib. Aleksandr Burmakin və Mert Efe Zaim cütlüyü ikinci olub.

Qızların qoşa yarışında Lilyen Kubalova və Aleksandra Talina çempion adını qazanıblar. Polina Kaşitsuna və Vladislava Slelina cütlüyü isə turniri ikinci pillədə başa vurub.

Qaliblərə mükafatları gənclər və idman naziri Fərid Qayıbov və Azərbaycan Tennis Federasiyasının prezidenti Ənvər Ənvərli təqdim ediblər.