Mariya Stadnik Ermənistanın təcavüz aktını pislədi - VİDEO

Tarix: 1-10-2020, 21:44

Sentyabrın 27-də səhər saatlarında Ermənistanın təxribatı nəticəsində cəbhədə qızğın döyüşlər başlayıb.

Xəbər verdiyimiz kimi, düşmən ordusu mövqelərini itirdikdən sonra mülki əhalinin yaşayış sahələrini atəşə tutur. Bununla bağlı olaraq, Olimpiya, dünya və Avropa çempionu Şərif Şərifovun münasibətini diqqətinizə çatdırmışdıq.

Olimpiadanın gümüş medalçısı, dəfələrlə dünya və Avropa çempionu olmuş qadınlardan ibarət yığmamızın ukraynalı lideri Mariya Stadnik də ermənilərin təxribatına biganə qalmayıb. Qadın güləşçimiz yaşananlarla bağlı Azərbaycan Güləş Federasiyasının saytına bunları deyib:

“30 ildən çoxdur ki, Azərbaycan torpaqları Ermənistan işğalı altındadır. Ermənistan BMT qətnamələrini kobud şəkildə pozaraq hərbi yolla Azərbaycan torpaqlarını işğal edib. Bir milyondan çox insan öz ev-eşiyindən didərgin düşərək məcburi köçkün həyatı yaşamağa məcbur olub. 30 il ərzində keçirilən danışıqlar yolu heç bir nəticə verməyib. Sentyabrın 27-dən Ermənistan hərbi təxribat nəticəsində atəşkəsi pozaraq Azərbaycanın yerli əhalisini atəşə tutub. 20-yə yaxın insan bu atışma nəticəsində həyatını itirib. Ölənlər arasında uşaqlar da var”.