Son Xəbər: Zelenski Trampla danışıqlardan öncə Kanadanın Baş naziri ilə görüşəcək, Şahbuzda avtomobil qaz xəttinə çırpılıb, 450 nəfər qazsız qalıb, KİV: Türkiyə yanvarın 1-dən Ermənistanla sərhədi qismən açmağa hazırdır, Küləkli hava şəraiti ilə bağlı sarı xəbərdarlıq verilib, Sabah Bakıda yağış və sulu qar yağacaq, güclü külək əsəcək, Mədəniyyət Nazirliyinin tabeliyindəki şirkətin rəhbərliyi dəyişib, KİV: İranla Şimali Koreya arasında şübhəli maliyyə əməliyyatları aşkarlanıb, Gürcüstanda Ukrayna vətəndaşlarına sosial yardımın müddəti uzadılıb, DİN bayramda azad olunan ərazilərə səfərə çıxanlara müraciət edib - VİDEO, Rusiya Kiyevə və ətraf bölgəyə kütləvi hücumlar edib, xəsarət alanlar var,

Azərbaycan derbisində həyəcanlı anlar: Bir penalti, üç qol, dörd qırmızı, səkkiz sarı vərəqə

Tarix: 13-02-2021, 21:41

Azərbaycan Premyer Liqasının XV turunda iki oyun keçirilib.

Turun mərkəzi görüşü Tofiq Bəhramov adına Respublika Stadionunda baş tutub.

Bu oyuna qədər lider olan “Qarabağ” əzəli rəqibi və izləyicisi “Neftçi”ni qəbul edib.

Ölkənin iki ən titullu klubunun üz-üzə gəldiyi Azərbaycan derbisi olduqca maraqlı və həyəcanlı alınıb.

Görüşdə ümumilikdə dörd qırmızı vərəqə göstərilib ki, bunların üçündə “Neftçi”nin oyunçuları meydandan qovulub.

İlk yarının ortalarında azlıqda qalan “Neftçi” Namiq Ələsgərovun qolu ilə hesabı açıb. Fasilədən sonra Mahir Emreli hesabda tarazlıq yaradıb.

Oyunun baş hakimi Elçin Məsiyev Kevin Medina və Mamadu Kaneni meydandan qovduğu epizodda qonaqların lehinə penalti qərarı verib. Dublunu rəsmiləşdirən Namiq komandasına vacib üç xal və liderlik qazandırıb.

Görüşün sonlarında Voislav Stankoviç də qırmızı vərəqə alaraq “Neftçi”nin 11 nəfərlə başladığı matçı 8 nəfərlə bitirməsinə səbəb olub.

Qeyd edək ki, hakim matçboyu hər iki komandadan ümumilikdə səkkiz oyunçuya sarı vərəqə göstərib.