Azərbaycanda qar futbol matçlarını təxirə saldı

Tarix: 18-02-2021, 14:52

Azərbaycan çempionatının I divizionunda iki oyun təxirə salınıb.

XIII turunun qarşılaşmalarının təxirə salınmasına güclü qar səbəb olub.

Dünən start götürən, lakin yarımçıq dayandırılmış “Turan Tovuz” – “Sumqayıt-2” görüşü görülən bütün tədbirlərə baxmayaraq, qar yağması davam etdiyinə görə təxirə salınıb.

Həmçinin bu gün keçirilməli olan “Kəpəz” – “Qaradağ Lökbatan” qarşılaşması da analoji hava şəraiti ilə əlaqədar baş tutmayacaq. Görüşlərin yeni vaxtı barədə Peşəkar Futbol Liqası qərar verəcək.

Qeyd edək ki, “Turan Tovuz” – “Sumqayıt-2” oyunu dayandırıldığı vaxtdan - 51-ci dəqiqədən etibarən keçiriləcək.