Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Cüdoçumuzdan qızıl medal

Cüdoçumuzdan qızıl medal

Tarix: 3-04-2021, 22:21


Türkiyənin Antalya şəhərində keçirilən cüdo üzrə "Böyük Dəbilqə" turniri başa çatıb.

Beynəlxalq yarışın son günü də Azərbaycan millisi üçün uğurlu olub.

Cüdoçumuz Zelim Kotsoyev (-100 kq) bütün rəqiblərinə qalib gələrək qızıl medala sahib çıxıb.

1/16 finaldan mübarizəyə başlayan Azərbaycan təmsilçisi Kiril Maret (Fransa), Zlatko Kumriç (Xorvatiya), Kayhan Özçiçək-Takagi (Avstraliya) və Qriqori Minaşkinə (Estoniya) qalib gələrək finala yüksəlib. O, həlledici görüşdə yaponiyalı Aron Vulfu da məğlub edərək, fəxri kürsünün ən yüksək pilləsinə qalxıb.

Eyni çəkidə çıxış edən Elmar Qasımov ikinci mərhələdə yarışla vidalaşıb. İsaak Bezzinaya (Malta) qalib gələn cüdoçumuz Kayhan Özçiçək-Takagi (Avstraliya) önündə aciz qalıb.

+100 kq çəkidə qüvvəsini sınayan Uşanqi Kokauri 1/8 finalda Daniel Allerstorfer (Avstriya), ardınca Alişer Yusupovu (Özbəkistan) məğlub edib. Yarımfinalda Hisayoşi Harasavaya (Yaponiya) uduzan cüdoçumuz bürünc medaluğrunda görüşdə Stefan Heqiyə (Avstriya) uduzaraq, 5-ci olub.

Qeyd edək ki, yığmamız yarışın əvvəlki günlərində iki bürünc medal qazanıb. Nicat Şıxəlizadə 66 kq, Murad Fətiyev 81 kq çəkidə fərqlənib. 93 ölkənin cüdoçularının mübarizə apardığı nüfuzlu turnirdə Azərbaycan millisi medalların əyarına görə ümumi hesabda 7-ci, kişilərin yarışında 4-cü yeri tutub.




RƏYLƏR


REKLAM

XƏBƏR LENTİ

POPULYAR XƏBƏRLƏR