Son Xəbər: Hesablama Palatası: Sığorta bazarında dövlət sifarişləri üzrə rəqabət zəifdir, Pakistan İranı konstruktiv addımlar atmağa çağırıb, Sabah bütün müavinət, təqaüd, kompensasiya və ünvanlı yardımlar ödəniləcək, İlham Əliyev: Dünyadakı təhdidlər Azərbaycandakı ağsaqqallıq institutunun əhəmiyyətini vurğulayır, I rübdə vergi cinayətləri faktları üzrə 89 cinayət işi başlanılıb, Latviya Prezidentinin Azərbaycana səfəri başa çatıb, İran Hörmüz boğazında Cənubi Koreya ilə əməkdaşlığa hazır olduğunu bəyan edib, FHN gözlənilən küləkli və qeyri-sabit hava şəraiti ilə əlaqədar əhaliyə müraciət edib, Mikayıl Cabbarov Avropa çempionu olan yunan-Roma güləşi millisini təbrik edib, Avropa çempionatı: Azərbaycanın 4 qadın güləşçisi bu gün xalça üzərinə çıxacaq,

Azərbaycan “Euro-5” benzininin istehsalına nə vaxt başlayacaq? - RƏSMİ

Tarix: 3-06-2022, 16:21

Azərbaycan Dövlət Neft Şirkətinin (SOCAR) Heydər Əliyev adına Bakı Neft Emalı Zavodunda (NEZ) “Euro-5” standartına uyğun olan benzinin istehsalına başlanılması 2023-cü ili iyun-iyul aylarına planlaşdırılıb.

Bunu “SOCAR Downstream” şirkətinin direktor müavini Emil Alxaslı Bakı Enerji Forumu çərçivəsində keçirilən konfransın ikinci günündə bildirib.

"Bu ilin üçüncü rübündə isə “Euro -5” standartına uyğun olan dizel yanacağının istensalına başlamaq planlaşdırılır. Yenidənqurma və modernizasiya layihəsi çərçivasində işlər qurğuların işə salınması səviyyəsindədir. İlk növbədə hidrogen qurğusu, növbəti mərhələdə isə digər qurğular işə salınacaq, bu proses gələn ilin ortalarına qədər davam edəcək. Hidroğen qurğusu dizel yanacağının və benzinin təmizlənməsi üçün lazımdır”, - deyə o, qeyd edib.

E.Alxaslı bildirib ki, nəticədə zavodda ildə 2 milyon ton avtomobil benzini istehsal ediləcək: “Bu həcmlərin 60%-i Aİ-92 markalı bensinin, 40%-i isə Aİ-95 markalı benzinin payına düşəcək. Yenidənqurma və modernizasiya işlərinin əsas məqsədlərindən biri ölkənin benzin və dizelə tələbatını 2040-cı ilə qədər tam ödəməkdir. Öz növbəsində, artıq qalan yanacaq həcmləri ixraca yönəldiləcək".

"Yenidənqurma və modernizasiya layihəsinin birinci mərhələsi 2023-cü ildə bitəcək, ikinci mərhələnin başa çatması isə 2027-ci ilin sonuna planlaşdırılır. Layihə nəticəsində NEZ bütün Xəzər dənizi ölkələrinin neftini emal edə biləcək”, - deyə E.Alaxalı əlavə edib.