Nərmin Quliyevanın məhkəməsi: Dedi ki, meyit yanır...

Tarix: 30-03-2022, 19:46

Bu gün Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə növbəti məhkəmə prosesi baş tutub.

Məhkəmə prosesində təqsirləndirilən şəxsin əmisi oğlu keçmiş polis Murad Süleymanov ifadə verib.

"Xidmətdə olduğum zaman əmim oğlunun qonşusu ona zəng edib dedi ki, İlkinlə bir yerdəyik və evimin hasarının yanında meyit yanır. Mən də məsələ ilə bağlı o vaxt polis rəisi olan Şirzad Əsgərova zəng edib məlumat verdim. Meytin üzərində qırmızı gödəkcə var, ya yox maraqlandım və hadisə yerinə gəldim", - ifadəsində qeyd edib.

Növbəti məhkəmə aprelin 6-na təyin edilib.