Son Xəbər: Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib, Ərdoğan: Türkiyə Avropa İttifaqına tam üzvlük hədəfini qoruyur, Bakıda kişi keçmiş arvadını qətlə yetirib, evi və maşını yandırıb, daha sonra özünü öldürüb - BİRGƏ MƏLUMAT, Əhməd Əl Şaraa: Dünən sonuncu ABŞ hərbi texnikası Suriyanı tərk edib, "Reuters": İran və ABŞ yaxın vaxtlarda razılığa gələ bilər, Cevdet Yılmaz: Avropanın daha güclü liderə ehtiyacı var, Fuad Nağıyev: "Qarabağ və Şərqi Zəngəzur Azərbaycanın turizm xəritəsinin bir hissəsi olacaq", Sabah 23 dərəcə isti olacaq, Dövlət başçısı Antalyada Şimali Kipr Prezidenti ilə görüşüb,

Bakıda 2 polisi güllələyən şəxs həbsxanada öldü

Tarix: 10-05-2022, 18:40

2014-cü ildə Bakıda 2 nəfəri gülləyərək öldürən, daha 2 şəxsi isə odlu silahla yaralayan Gülağa Lətifov həbsxanada vəfat edib.

“Qafqazinfo”nun məlumatına görə, həmin cinayətə görə ömürlük azadlıqdan məhrum edilmiş G.Lətifov Penitensiar Xidmətin Müalicə Müəssisəsində uzun sürən xəstəlik səbəbindən ölüb.

Qeyd edək ki, əvvəllər məhkumluq həyatı yaşamış Gülağa Lətifov 2014-cü il fevralın 23-də saat 20:00-da Sabunçu qəsəbəsindəki 68 saylı orta məktəbin ərazisində qanunsuz kafe tikmək istəyərkən münaqişə baş verib. Bu zaman o, qonşuluqda yaşayan Fərid Qədirova, Akif Nəzərova, Yusif Alpaşayevə və Asif Nəzərova odlu silahdan atəş açaraq hadisə yerindən qaçıb. Fərid Qədirov və Yusif Alpaşayev ölüb, Akif və Asif Nəzərovlar isə ağır yaralanıblar.

Hadisə zamanı güllə yarası alan Akif Nəzərov Suraxanı Rayon Polis İdarəsinin rəis müavini, Akif Nəzərovun oğlu Asif Nəzərov isə Sabunçu Rayon Polis İdarəsi 12-ci polis bölməsinin əməkdaşı olub.

Bu hadisədən 7 il sonra isə, daha dəqiq desək ötən ilin noyabrında Gülağa Lətifovun oğulları - Rahib, Ramil və Qorxmaz Lətifov qardaşları Sabunçu qəsəbəsi, Müqtədir Aydınbəyov küçəsi: 41 ünvanında yerləşən kafenin qarşısında bıçaqla Fərid Əliyev və İrşad Əliyev adlı şəxsləri bıçaqlayıblar. Nəticədə 21 yaşlı Fərid ölüb, onun dostu İrşad isə xəstəxanaya yerləşdirilib.

G.Lətifovun oğulları hazırda həbsdədir.