Son Xəbər: Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib, Ərdoğan: Türkiyə Avropa İttifaqına tam üzvlük hədəfini qoruyur, Bakıda kişi keçmiş arvadını qətlə yetirib, evi və maşını yandırıb, daha sonra özünü öldürüb - BİRGƏ MƏLUMAT, Əhməd Əl Şaraa: Dünən sonuncu ABŞ hərbi texnikası Suriyanı tərk edib, "Reuters": İran və ABŞ yaxın vaxtlarda razılığa gələ bilər, Cevdet Yılmaz: Avropanın daha güclü liderə ehtiyacı var, Fuad Nağıyev: "Qarabağ və Şərqi Zəngəzur Azərbaycanın turizm xəritəsinin bir hissəsi olacaq", Sabah 23 dərəcə isti olacaq, Dövlət başçısı Antalyada Şimali Kipr Prezidenti ilə görüşüb,

Bakıda polisdən qaçanlar belə gizləndi

Tarix: 23-06-2022, 16:50

Bir neçə gün əvvəl Bakıda polis əməkdaşları küçədə gördükləri şübhəli şəxslərə yaxınlaşarkən insident baş verib.

Hadisə axşam saatlarında Binəqədi rayonu, Rəsulzadə qəsəbəsindəki Musabəyov küçəsində baş verib.

Belə ki, ərazidə xidmət aparan polis əməkdaşları küçədə şübhəli hesab etdikləri 3 nəfərə yaxınlaşmaq istəyiblər. Bu zaman həmin şəxslər qaçmağa başlayıb. Bir qədər qaçdıqdan sonra həmin küçədə yerləşən “Javelin” şirniyyat evinə daxil olaraq qapını arxadan bağlayıblar. Polis əməkdaşları dəfələrlə qapının açılmasını tələb etsə də, bundan imtina ediblər. Əraziyə əlavə polis əməkdaşlarının gəldiyini görən şübhəli şəxslər daha sonra qapını açaraq küçəyə çıxmağa razı olublar.

Onlar ərazi üzrə polis şöbəsinə aparılıb. İlkin məlumata görə, bu zaman həmin şəxslərdən biri olan 1987-ci il təvəllüdlü Oqtay Qədirovun (şərti adlı) narkotik vasitə qəbul etməsi məlum olub. Onun barəsində İnzibati Xətalar Məcəlləsinin 206-cı (Qanunsuz olaraq narkotik vasitələrin, psixotrop maddələrin istehlakı) maddəsi ilə protokol tərtib edilib və o, Binəqədi Rayon Məhkəməsinə göndərilib.

Məhkəmənin qərarı ilə O.Qədirova 300 manat pul cəriməsi cəzası verilib.