İki yaşlı uşağın faciəvi ölümünün təfərrüatı...

Tarix: 29-08-2022, 13:20

Ötən gün Şirvanda iki yaşlı uşaq bədbəxt hadisə nəticəsində vəfat edib.

Avqustun 27-də 2020-ci il təvəllüdlü Ömər Sakit oğlu Səmədov yaşadığı binanın dəhlizinin pilləkənindən 1-ci mərtəbəyə yıxılıb. O, xəstəxanada vəfat edib.

Bildirilir ki, hadisə şəhərdə məcburi köçkünlər üçün salınmış yaşayış massivində baş verib. Çoxmərtəbəli binanın 8-ci  mərtəbəsindən yıxılan 2020-ci il təvəllüdlü Ömər Sakit oğlu Səmədov diqqətsizliyin qurbanı olub. Belə ki, ilkin araşdırmalar zamanı azyaşlının evin qapısından binanın dəhlizinə çıxması və pilləkənin kənarındakı məhəccərin dəmir barmaqlıqlarının arasından 1-ci mərtəbəyə yıxılması məlum olub. İki yaşlı uşaq dərhal xəstəxanaya çatdırılıb və bir neçə saat ərzində ona tibbi yardımlar göstərilsə də, vəfat edib.

Faktla bağlı Şirvan Şəhər Prokurorluğunda araşdırma aparılır.