Son Xəbər: Azərbaycanla Özbəkistan arasında geoloji kəşfiyyat üzrə birgə müəssisə yaradılır, Azərbaycan və Rusiya xarici işlər nazirləri Moskvada görüş keçirirlər, Nazirlər Kabinetində 2029-cu il əhalinin siyahıyaalınmasına həsr olunan iclas keçirilib, Şənbə günü Bakıda 35, rayonlarda 38 dərəcə isti olacaq, İlham Əliyev İrlandiyanın Azərbaycanda yeni təyin olunmuş səfirinin etimadnaməsini qəbul edib, İlham Əliyev Omanın Azərbaycanda yeni təyin olunmuş səfirinin etimadnaməsini qəbul edib, Peter Pelleqrini Bakı haqqında: Qız qalası yaxınlığındakı küçələr xoşuma gəlir, DÇ-2026-nın final oyununu idarə edəcək hakim açıqlanıb, Çin Səfirliyi: Pekin ABŞ-dəki seçkilərə müdaxilə etməyib, Bakının bir sıra yollarında tıxac yaranıb,

Dəm qazından boğulub ölən tələbənin meyitini rektorun müşaviri AŞKARLAYIB - TƏFƏRRÜAT (YENİLƏNİB)

Tarix: 27-02-2023, 17:59

Mingəçevirdə tələbənin dəm qazından boğulub ölməsinin təfərrüatları məlum olub.

"Unikal"ın əldə etdiyi məlumata görə, 2003-cü il təvəllüdlü Vüsal Hüseynovun ailə üzvləri dünən Mingəçevir Dövlət Universiteti ilə əlaqə saxlayıblar. Onlar Vüsalın zənglərə cavab vermədiyini və itkin düşdüyünü bildiriblər. Məsələ ilə bağlı MDU-nun rektorunun müşaviri Ramin Məmmədova məlumat verilib. O, Vüsal Hüseynovun kirayə yaşadığı mənzilə gedib. R.Məmmədov qapını qıraraq evə daxil olub və tələbənin meyitini aşkarlayıb.

Qeyd edək ki, Vüsal Hüseynov Mingəçevir şəhərində taksi fəaliyyəti ilə də məşğul olurmuş.

Murad İbrahimli

***

Mingəçevirdə tələbə dəm qazından zəhərlənərək ölüb.

Daxili İşlər Nazirliyinin mətbuat xidmətinin Şəki regional qrupundan "Unikal"a bildirilib ki, bu gün saat 12 radələrində Mingəçevir şəhəri Sahil küçəsində yerləşən mənzilin vanna otağında 2003-cü il təvəllüdlü Qazax rayonunun İkinci Şıxlı kənd sakini Vüsal Hüseynovun meyiti aşkarlanıb.

Onun dəm qazından öldüyü ehtimal olunur. V.Hüseynov Mingəçevir Dövlət Universitetinin tələbəsi olub və həmin mənzildə kirayədə qalırmış.Polis və prokurorluq əməkdaşları, ekspert tərəfindən hadisə yerinə, eləcə də meyitə baxış keçirilib, zəruri prosessual hərəkətlər yerinə yetirilib.

Faktla bağlı araşdırma aparılır.