Son Xəbər: Azərbaycanla Özbəkistan arasında geoloji kəşfiyyat üzrə birgə müəssisə yaradılır, Azərbaycan və Rusiya xarici işlər nazirləri Moskvada görüş keçirirlər, Nazirlər Kabinetində 2029-cu il əhalinin siyahıyaalınmasına həsr olunan iclas keçirilib, Şənbə günü Bakıda 35, rayonlarda 38 dərəcə isti olacaq, İlham Əliyev İrlandiyanın Azərbaycanda yeni təyin olunmuş səfirinin etimadnaməsini qəbul edib, İlham Əliyev Omanın Azərbaycanda yeni təyin olunmuş səfirinin etimadnaməsini qəbul edib, Peter Pelleqrini Bakı haqqında: Qız qalası yaxınlığındakı küçələr xoşuma gəlir, DÇ-2026-nın final oyununu idarə edəcək hakim açıqlanıb, Çin Səfirliyi: Pekin ABŞ-dəki seçkilərə müdaxilə etməyib, Bakının bir sıra yollarında tıxac yaranıb,

Toyda yığılan 32 mini oğurladı, 3 günə 8 min xərclədi

Tarix: 5-04-2023, 16:37

Bakıda avtomobildən 31 500 manat oğurlayan şəxsin məhkəməsi başa çatıb.

“Qafqazinfo”nun əldə etdiyi məlumata görə, Yasamal Rayon Məhkəməsində 1983-cü il təvəllüdlü Fərid Həsənov Cinayət Məcəlləsinin 177.2.4-cü (Oğurluq-xeyli miqdarda ziyan vurmaqla) maddəsi ilə ittiham edilib.

Məhkəmə prosesində məlum olub ki, F.Həsənov ötən il oktyabrın 2-də gecə saat 04 radələrində Yasamal rayonu, Hüseyn Cavid prospekti 263-269 ünvanında yerləşən lüks yaşayış komplekslərndən birinin qarşısında oğurluq niyyəti ilə avtomobillərin qapılarının açıq-olub olmamasını yoxlayıb. Bu zaman o, PP dövlət qeydiyyat seriyalı “Hyundai Tucson” markalı avtomobilin qapısının açıq olduğunu görüb və maşına daxil olaraq axtarışa başlayıb. O, qabaq oturacağın altında sellofan torbada xeyli pulun olduğunu görüb və torbanı götürərək uzaqlaşıb. Bir qədər getdikdən sonra pulları sayan Fərid vəsaitin 31 500 manat olduğunu görüb.

Zərərçəkmiş şəxs qismində ifadə verən Z.M. deyib ki, hadisədən bir neçə gün əvvəl paytaxtda yerləşən şadlıq evində toyu olub və 31 500 manat pul həmin məclisdə yığılıb. Toydan sonra o, yeni evə köçüb və oğurluq hadisəsi də həmin vaxt baş verib.

O da məlum olub ki, oğurluqdan 5 gün sonra hadisəni törətmiş F.Həsənov saxlanılıb və üzərindən 24 min manata yaxın pul götürülüb. O, məhkəmədəki ifadəsində deyib: “Üzərimdə aşkarlanan pullar sahibinə qaytarıldı, yerdə qalan 8 min manatı 3 gün ərzində şəxsi ehtiyaclarıma xərcləmişəm”.

Yasamal Rayon Məhkəməsində keçirilən prosesin yekununda F.Həsənova 3 il həbs cəzası verilib. Daha əvvəl də oğurluq əməli törətdiyinə görə məhkum cəzasını ciddi rejimli müəssisədə çəkəcək.

5-04-2023, 16:37 151 Kirminal