Son Xəbər: Nazirliyin əsasnaməsində dəyişiklik edildi, Prezidentdən Əsgər Rəsulovla bağlı sərəncam, Ceyhun Bayramov onunla da görüşdü, Qazinin çənəsini sındıran idmançı həbs edilmədi - QƏRAR, İrəvanda silahlı hücum - 2 nəfər yaralandı, Xankəndidə silah-sursat aşkarlandı, Neftimizin qiyməti 90 dollara yaxınlaşır, Təhsil insan ömrünü uzadırmış - ARAŞDIRMA, Qod Nisanova "Dostluq" ordeni təqdim edildi, Azərbaycanla bu ölkə arasında viza rejimi ləğv edildi,

Hərbçimiz qətlə yetirildi - Zabit yoldaşı saxlanıldı

Hərbçimiz qətlə yetirildi - Zabit yoldaşı saxlanıldı

Tarix: 27-01-2024, 17:17

 Müdafiə Nazirliyinin N saylı hərbi hissəsinin hərbi qulluqçusu Abdullayev Amil Hümbət oğlu qətlə yetirilib.

Hərbi Prokurorluğun Mətbuat Xidmətindən verilən məlumata görə, ölüm faktı barədə Füzuli hərbi prokurorluğuna xəbər daxil olub.

Bildirilib ki, fakt üzrə Füzuli hərbi prokurorluğunda Azərbaycan Respublikası Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanılıb, Füzuli hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, şahidlər dindirilib, müvafiq ekspertizalar təyin edilib və digər zəruri istintaq hərəkətləri həyata keçirilib.

İlkin istintaqla, ordumuzun zabiti A.H.Abdullayevin digər zabit Abdullayev Nizami Eynulla oğlu tərəfindən aralarında yaranmış mübahisə zəmnində qəsdən öldürülməsinə əsaslı şübhələr müəyyən olunduğundan, o, şübhəli şəxs qismində tutularaq, istintaqa cəlb edilib.

Qeyd olunub ki, hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaqdır.




RƏYLƏR


REKLAM

XƏBƏR LENTİ

POPULYAR XƏBƏRLƏR