SOCAR-ın ödədiyi vergilər dövlət gəlirlərinin 10 faizini təşkil edib

Tarix: 12-04-2021, 13:00

Dövlət Neft Şirkətinin (SOCAR) 2021-2023-cü illər ərzindəki ümumi kapitalı 9 milyard manat məbləğində müəyyən edilib.

Bu barədə beynəlxalq reytinq agentliyi “Fitch Ratings”in Dövlət Neft Şirkətinin fəaliyyəti ilə bağlı hesabatında qeyd olunub.

Agentlikdən bildirilib ki, SOCAR tərəfindən ödənilən vergilər 2019-cu ildə dövlət gəlirlərinin demək olar ki, 10 faizini təşkil edib. Eləcə də, dövlətin SOCAR-ın borcunun 9 faizə qədərinə zəmanət verdiyi əlavə edilib.

Dövlətlə SOCAR arasındakı əlaqələrin qiymətləndirilməsi zamanı şirkətin sosial rolu xüsusi diqqətdə saxlanılıb. SOCAR Azərbaycanda 50 mindən çox işçinin fəaliyyət göstərdiyi, şirkət tərəfindən dividend ödənilməsə də, dövlət büdcəsinə nağd vəsaitlərin ödənilməsi və ya sosial layihələrin birbaşa maliyyələşdirilməsində əhəmiyyətli rolunun olduğu qeyd edilib.