İsveçrədə birdəfəlik plastik qabların istifadəsinə görə cərimənin məbləği açıqlandı

Tarix: 27-12-2019, 14:59

İsveçrənin Cenevrə şəhərində birdəfəlik plastik qablardan istifadəyə cərimə tətbiq olunub.
Bu barədə “The Local” agentliyi məlumat verir.
2020-ci ilin 1 yanvar tarixindən sellofan paketlərin, plastik stəkan, boşqab və digər birdəfəlik plastik mətbəx avadanlıqlarının istifadəsinə qadağa qoyulacaq.
Eyni zamanda, hökumət rəsmiləri supermarketlərdə alıcılara təqdim olunan pulsuz sellofan torbaların da istifadəsinə qadağa qoyub. Qadağanı pozan şəxslər 100 frank (170 manat) dəyərində cərimə olunacaqlar.
Cenevrədə bütün növ plastik əşyaların dövriyyədən çıxarılmasına 2018-ci ildən başlanılıb.