Təmkin “Neftçi” ilə anlaşdığı barədə yazılan xəbərlərə reaksiya verdi

Tarix: 11-05-2021, 14:04

Bir neçə gündür mətbuatda haqqımda yazılan xəbərləri təəccüblə oxuyuram”.

Bu fikirləri millimizin və “Sabah” klubunun futbolçusu Təmkin Xəlilzadə deyib.

27 yaşlı sol cinah oyunçusunun “Neftçi” ilə anlaşdığı yazılır. O, bu xəbərlərə təəccübləndiyini bildirib:

“Nəzərinizə çatdırmaq istəyirəm ki, hal-hazırda “Sabah” klubu ilə davam edən müqaviləm var. Bu səbəbdən, hər hansı bir klub ilə danışmağım, müqavilə imzalamağım və anlaşmağım reallıqdan kənardır. İndiki halda sadəcə üzvü olduğum klubun oyunlarına köklənmişəm. Təkliflərə gəlincə, mövsüm bitdikdən sonra götür-qoy edib qərar verəcəyəm və qərarımı sizə ilk olaraq mən xəbər edəcəyəm!”

Qeyd edək ki, Təmkin Xəlilzadənin “Sabah”la müqaviləsi bu ayın sonunda başa çatacaq.