Türkiyə Rusiyanın payıza qədər onunla hava nəqliyyatı əlaqələrini bərpa etməyəcəyini ehtimal edir

Tarix: 18-06-2021, 19:15

Türkiyənin turizm sektoru yaxın gələcəkdə Rusiya ilə hava əlaqəsinin bərpasına ümid etmir, bu iyulun ortalarından tez olmayaraq – avqustdan, hətta sentyabrda baş verə bilər.

“RİA Novosti” agentliyi bu barədə Türkiyənin turizm sektorundakı mənbələrə istinadən xəbər verib.

Rusiya əlverişsiz epidemioloji vəziyyətlə əlaqədar 15 apreldən etibarən Türkiyə ilə hava əlaqələrini məhdudlaşdırıb.

May ayının sonunda koronavirus infeksiyasının yayılması ilə mübarizə üzrə qərargah məhdudiyyətlərin 21 iyuna qədər uzadıldığını elan edib.

Türkiyə Mədəniyyət və Turizm Nazirliyinin mətbuat xidmətinin “RİA Novosti”yə verilən məlumata görə, rusiyalı mütəxəssislərdən ibarət nümayəndə heyəti turizm məkanlarındakı sanitariya normalarını qiymətləndirmək üçün ötən gün Türkiyənin Antalya şəhərinə səfər edib.

Türkiyəyə gələn Rusiya nümayəndə heyətinə onların proqramında olan və olmayan bütün obyektlərə baxış keçirilməsi üçün şərait yaradılır.

Həmçinin qeyd olunur ki, Türkiyə tərəfi öz turizm obyektlərinin təhlükəsizliyinə əmindir, lakin bununla belə Rusiyanın öz hava əlaqələrini tezliklə bərpa edəcəyinə hazır olmadığını müşahidə edir.