"Sərt cavab verəcəyik" - Lavrov Rusiyaya təzyiqin mümkün nəticələrini xatırlatdı

Tarix: 6-07-2021, 12:44

Vaşinqton "dostcasına davranmamağa" qərar verərsə, Moskvanın cavabı sərt olacaq. Bundan əlavə, yalnız müəyyən "güc" arqumentlərinə arxalanaraq Rusiya ilə dialoq aparmağa çalışmaq əvvəlcədən uğursuzluğa məhkum olunmuş taktikadır.

Mediabiz.az-ın pravda.ru-ya istinadla məlumatına görə, Rusiya Xarici İşlər Naziri Sergey Lavrov Rusiya, ABŞ və iki ölkə arasındakı münasibətlərdən danışıb.
Nazir qeyd edib ki, Cenevrədəki görüşdən dərhal sonra Rusiyaya  yenidən "moizə" oxumağa başlaylblar, özü də əvvəlkindən daha fəal.

"Rusiya lideri ictimaiyyət qarşısında  açıq şəkildə bəyan eydi ki, bütün istiqamətlərdə müsbət nəticə əldə etməyin yeganə yolu yalnız tamamilə bərabər əsasda qarşılıqlı məqbul maraqlar balansının tapılmasıdır. Tərəflər arasındakı görüşdə bununla bağlı heç bir etiraz ifadə olunmadı", - deyə Lavrov xatırladıb.

Lavrov əlavə edib ki, moizələr Moskvaya "xəbərdarlıqlar”la  müşayiət olunur. Onların mahiyyəti belə anlaşılır: Moskvaya yeni "oyun qaydaları" təklif olunur, əgər o bunu qəbul etməsə, növbəti "təzyiq" dalğası gələcək.

"Bizimlə güc mövqeyindən dialoq aparmaq cəhdləri əvvəlcə uğursuzluğa məhkumdur: maraqlarımıza zidd hərəkətlərə sərt və qətiyyətlə cavab verəcəyik",-  deyə Lavrov fikrini yekunlaşdırıb.