KTMT-yə QOŞULAQMI? - "...Rusiyanın orbitində olacağıq..."

Tarix: 8-07-2021, 08:53

“Kollektiv Təhlükəsizlik Müqaviləsi Təşkilatı (KTMT) bizim kifayət qədər uzaq durmalı olduğumuz qurumdur...”.
Bu sözləri siyasi analitik Turab Rzayev deyib.

Siyasi analitik Rusif Məmmədsoy “Sherg.az”a açıqlamasında Turab Rzayevin fikirlərinə münasibət bildirib:

“Hazırkı vəziyyətdə bizim KTMT-nin tamhüquqlu üzv olmağımız mümkün deyil. Ümumiyyətlə, Ermənistanla birlikdə hansısa qurumda təmsil olunmağımız üçün əvvəlcə tərəflər arasında problem, o cümlədən sərhəd məsələləri həllini tapmalıdır, münasibətlər tənzimlənməlidir. Hələlik biz sadəcə müşahidəçi qismində KTMT-yə qoşula bilərik. Gələcəkdə isə təşkilatın üzvü olmaqdan mümkün qədər yayınmalıyıq. Əks halda Rusiyanın orbitində olacağıq. Moskvanın istədiyi də elə budur”.