Ümrə ziyarəti üçün müraciətlərin qəbulu başlayır

Tarix: 9-08-2021, 08:10

Səudiyyə Ərəbistanı Məscidül-Həramın əcnəbi ümrəçiləri qarşılamağa hazır olduğunu bildirib.

Yerli SPA xəbər agentliyinin məlumatına görə, bunu həcc və ümrə nazirinin müavini Əbdülfəttah bin Süleyman bəyan edib.

Ümrə üçün müraciətlərin “Eatmarna” tətbiqi vasitəsilə ediləcəyini xatırladan nazir müavini pandemiya səbəbindən bu il gündə 60 min, ayda isə 2 milyon ziyarətçinin qəbul ediləcəyini açıqlayıb.

Süleyman, həmçinin ziyarət üçün vaksin pasportunun olması şərtini də qeyd edib.