Son Xəbər: Xankəndidə yaşıllıqları qanunsuz kəsənlər cərimələnib, Prezident İlham Əliyevin Türkmənistana işgüzar səfəri başa çatıb, Məktəblərdə geyim formalarına dair monitorinqlər təşkil ediləcək, Sərdar Berdiməhəmmədov: Xəzərin ekoloji vəziyyətinin yaxşılaşdırılması Türkmənistan üçün prioritetdir, Milli Məclisin növbəti plenar iclasında 13 məsələ müzakirə ediləcək, Azərbaycanda şənbə günü yağış yağacaq, şimşək çaxacaq, MDB-də Azərbaycan dövrü - Bakı bölgənin prioritetlərini müəyyənləşdirir, Lukaşenko Azərbaycanın MDB-yə sədrlik etmək qərarını tarixi an adlandırıb, Prezident: Azərbaycan-Türkmənistan münasibətləri strateji tərəfdaşlıq xarakteri daşıyır, Bakının Günəşli qəsəbəsində avtomobillərin hərəkəti məhdudlaşdırılacaq,

Misir qəzeti Prezidentin “CNN Türk”ə müsahibəsindən yazdı

Tarix: 16-08-2021, 22:57

Misirin nüfuzlu “Əl Masr Əl Yom” qəzeti Azərbaycan Prezidenti İlham Əliyevin “CNN türk” televiziya kanalına müsahibəsindən əsas məqamları yayıb.

“Prezident İlham Əliyev: Ermənistan sülh müqaviləsinin imzalanması haqqında təklifimizə cavab vermir” və “Azərbaycan Prezidenti sual verib: Ermənistan yeni müharibə istəyir?” sərlövhəli yazılarda 44 günlük müharibədə şanlı Qələbə qazanan və torpaqlarını işğaldan azad edən Azərbaycanın Ermənistanla sülh müqaviləsi imzalamağı təklif etdiyi bildirilib. Prezident İlham Əliyev vurğulayıb ki, Ermənistan və Azərbaycan bir-birilərinin ərazi bütövlüyünü tanımalı və sərhədlərin delimitasiyası prosesi başlanmalıdır. Ancaq bu günə qədər Azərbaycan Ermənistandan müsbət cavab almayıb.

Yazılarda diqqətə çatdırılıb ki, Azərbaycan Prezidenti sülhün bərqərar olması üçün Zəngəzur dəhlizinin yaradılmasının, bütün ticarət əlaqələrinin bərpasının vacibliyini vurğulayıb.

Materiallarda, həmçinin dövlətimizin başçısının Rusiyanın Ermənistanı silahlandırması, Rusiya sülhməramlılarının üçtərəfli sazişin prinsiplərinə tam riayət etməməsi, Azərbaycanın müharibə istəmədiyi, lakin zərurət yaranacağı halda yenidən müharibəyə başlaya biləcəyinə dair fikirləri də yer alıb.