Son Xəbər: Sabah çimərliklərdə suyun temperaturu 30 dərəcə olacaq, Məsud Pezeşkianın çıxışını kəsdiyi üçün İran Radio və Televiziya Şirkətinə xəbərdarlıq edilib, Prezident Milix Yevdayevi təltif etdi, Sabah Bakıda 40, bəzi bölgələrdə 41 dərəcə isti olacaq, Xəzər rayonunda çətənə kolu yetişdirən şəxs saxlanılıb, Rumıniya ölkənin hava məkanında iki gün ərzində ikinci PUA-nı vurub, Türkiyədə sərnişin avtobusu avtomobillə toqquşub, 30 nəfər xəsarət alıb, Bakıda iki küçənin təmirinə 23 milyon manata yaxın pul ayırılacaq, Azərbaycan neftinin qiyməti 103 dollardan aşağı düşüb, Cəbrayılın 4-cü kəndi tikilir - İlin sonunadək köç olacaq,

Keçmiş polis rəisi Vilayət Eyvazovun kadr islahatlarından danışdı - ÖZƏL

Tarix: 17-01-2020, 15:22

Daxili İşlər naziri, general-polkovnik Vilayət Eyvazovun həyata keçirdiyi kadr islahatlarını çox müsbət dəyərləndirirəm.
Bunu Oxu.Az-a açıqlamasında keçmiş polis rəisi, kriminalist Mahmud Hacıyev Daxili İşlər naziri Vilayət Eyvazovun apardığı kadr islahatlarını şərh edərkən deyib.
O bildirib ki, daxili işlər orqanlarında son 15 ildə belə islahatlar olmayıb.
“Cənab Vilayət Eyvazovun Daxili İşlər naziri vəzifəsinə gətirilməsi çox düzgün təyinat idi. Çünki o, daxili işlər orqanlarının öz içərisindən yetişmiş kadrdır”, - deyə M.Hacıyev əlavə edib.
Onun sözlərinə görə, V.Eyvazovun yoxlamalar keçirməsi, strukturda, şəxsi heyətdə dəyişikliklər etməsi ictimaiyyət arasında müsbət qiymətləndirilir.
Keçmiş polis rəisi bildirib ki, Daxili İşlər nazirinin apardığı islahatların nəticəsi hiss olunmaqdadır:
“Artıq polisin fəaliyyətində müsbət yönümlü fəaliyyət göz qabağındadır”.
M.Hacıyev söyləyib ki, V.Eyvazov öz işini, nə etdiyini çox yaxşı bilir.
Qeyd edək ki, V.Eyvazov 2019-cu ilin iyunun 20-də Daxili İşlər naziri təyin olunub. V.Eyvazov vəzifəsinin icrasına başlayandan sonra bir sıra islahatlar aparıb, işində nöqsanlara yol verən polis əməkdaşları cəzalandırılıb.