Bir sutkada koronavirusdan 27 nəfər ölüb

Tarix: 27-10-2021, 17:15

Azərbaycan Respublikasında koronavirus (COVID-19) infeksiyasına 2300 yeni yoluxma faktı qeydə alınıb, 1248 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 27 nəfər vəfat edib.


Xatırladaq ki, 26 oktyabr 2021-ci il tarixində 2266 yoluxma faktı və 24 ölüm qeydə alındığı açıqlanmışdı. 13 Dekabr 2020-ci il tarixində açıqlanmış fakt (4451) bugünədək qeydə alınmış ən yüksək günlük yoluxma sayı idi.

XXX

Azərbaycanda son sutkada koronavirus (COVID-19) əleyhinə 44716 vaksin vurulub. Bir gündə birinci mərhələ üzrə vaksinasiya olunanların sayı 32320, ikinci mərhələ üzrə vaksinasiya olunanların sayı 12396 nəfərdir.

Ölkədə vurulan vaksinlərin ümumi sayı 9469618, birinci mərhələ üzrə vaksinasiya olunanların ümumi sayı 5119077, ikinci mərhələ üzrə vaksinasiya olunanların sayı isə 4350541 təşkil edir.