Son Xəbər: Sabah çimərliklərdə suyun temperaturu 30 dərəcə olacaq, Məsud Pezeşkianın çıxışını kəsdiyi üçün İran Radio və Televiziya Şirkətinə xəbərdarlıq edilib, Prezident Milix Yevdayevi təltif etdi, Sabah Bakıda 40, bəzi bölgələrdə 41 dərəcə isti olacaq, Xəzər rayonunda çətənə kolu yetişdirən şəxs saxlanılıb, Rumıniya ölkənin hava məkanında iki gün ərzində ikinci PUA-nı vurub, Türkiyədə sərnişin avtobusu avtomobillə toqquşub, 30 nəfər xəsarət alıb, Bakıda iki küçənin təmirinə 23 milyon manata yaxın pul ayırılacaq, Azərbaycan neftinin qiyməti 103 dollardan aşağı düşüb, Cəbrayılın 4-cü kəndi tikilir - İlin sonunadək köç olacaq,

KİV: Həmsədrlər Paşinyanın Qarabağla bağlı mövqeyindən narahatdır

Tarix: 30-01-2020, 14:03

Ermənistanın baş naziri Nikol Paşinyanın Qarabağ münaqişəsinin nizamlanması üzrə keçirdiyi mətbuat konfransı zamanı səsləndirdiyi fikirlər və mətbuatda yer almış sitatları ATƏT-in Minsk Qrupu həmsədrlərinin ciddi narahatlığına səbəb olub.

News.am saytının məlumatına görə, bu barədə “168 Jam” öz mənbələrinə istinadən xəbər yayıb.

“Həmsədrlər bu addımı Paşinyanın özfəaliyyətinin növbəti cəhd kimi qəbul ediblər, bu isə Minsk Qrupunun strategiyası ilə birmənalı olaraq ziddiyyət təşkil edir. Yanvarın 29-da Cenevrədə Ermənistanın Xarici İşlər naziri Zöhrab Mnatsakanyan ATƏT-in Minsk Qrupunun həmsədrləri İqor Popov, Stefan Viskonti, Endryu Şofer və ATƏT-in fəaliyyətdə olan sədrinin şəxsi nümayəndəsi Anjey Kasprşiklə görüşüb. Mənbəmizin məlumatına görə, həmsədrlərin Paşinyanın Qarabağla bağlı söylədikləri ilə əlaqədar Mnatsakanyanla olduqca sərt söhbətləri olub” - deyə nəşr məlumat yayıb.