Son Xəbər: FHN-in polkovnik-leytenantı qəfil vəfat etdi, Azərbaycan gələn il bu ölkədə səfirlik açacaq, Bakıda “Rus evi”nin bağlanmasının səbəbi AÇIQLANDI, Ədliyyə Nazirliyi Ana Vətən Partiyasının müraciətinə CAVAB VERDİ, Ceyhun Bayramov: Bu il Ermənistanla sülh prosesində böyük irəliləyiş əldə olunub, Suriyada məsciddə partlayış törədilib, ölənlər və yaralananlar var, Ermənistan vətəndaşlarının məhkəməsi: Davit İşxanyan son söz deyir, Ermənistan MN-in vəzifəli şəxsləri irimiqyaslı mənimsəmədə ittiham olunurlar, "Valideyn himayəsindən məhrum olmuş uşaq" adı altında vahid anlayışdan istifadə olunması təklifi son oxunuşda qəbul edilib, Yol polisi həftəsonu səfərə hazırlaşanlara xəbərdarlıq edib,

FHN Xətai Rayon İcra Hakimiyyətinə və şirkətə xəbərdarlıq etdi

Tarix: 8-02-2020, 22:31

Fövqəladə Hallar Nazirliyi (FHN) Bakının Xətai rayonu, N.Əliyev küçəsi 10 ünvanında elektrik yarımstansiyasının tikintisi ilə bağlı məsələyə aydınlıq gətirib.
Nazirlikdən verilən məlumata görə, Xətai rayonu N.Əliyev küçəsi 10 ünvanında yerləşən “Baku Lux” MMC-yə məxsus yaşayış binasının ərazisində inşa olunan, sahəsi 64 kv/m elektrik yarımstansiyasının tikintisi üçün heç bir icra hakimiyyəti orqanı ilə razılaşdırma sənədləri təqdim olunmayıb: “Məsələ ilə bağlı 05 fevral 2020-ci il tarixində Xətai Rayon İcra Hakimiyyətinin rəhbərliyinə və “Baku Lux” MMC-nin rəhbərliyinə müvafiq məktublar göndərilib”.
Qeyd edək ki, mediada adıçəkilən ünvanda yaşayan sakinlərin elektrik yarımstansiyasının tikintisinə etiraz etməsinə dair məlumat yayılıb. Sakinlər yarımstansiyanın tikintisinin qanuni əsaslarla aparılmadığını iddia ediblər və bununla bağlı rəsmi orqanlara müraciət etdiklərini bildiriblər.

FHN-dən isə bildirilib ki, nazirlik bu məsələ ilə bağlı həm şirkətə, həm də rayon icra hakimiyyətinə xəbərdarlıq məktubu göndərib.