Son Xəbər: Ceyhun Bayramov Mixail Qaluzin ilə görüşüb, Azərbaycanda nikah və boşanmaların sayı azalıb, Azərbaycan alimentlə bağlı qərarların beynəlxalq səviyyədə icrası mexanizminə qoşulur, Bakıda binada partlayış olub, ölən və xəsarət alanlar var, KİV: Rusiya Teleqramdakı bloklanmanı yumşaltmaq qərarına gəlib, “Space” TV-nin baş direktoru işdən çıxarıldı, Azərbaycanda beynəlxalq qurum təsis olunur, "WSJ": Səudiyyə Ərəbistanı ABŞ-nin Hörmüz boğazının blokadasından imtina etməsinə çalışır, Prezident İlham Əliyev Somalinin yeni səfirini qəbul edib, Rubio Vaşinqtonda İsrail–Livan danışıqlarına qatılacaq,

AZAL İrana uçuşları məhdudlaşdırdı

Tarix: 29-02-2020, 17:28

Mövcud epidemioloji vəziyyətlə əlaqədar "Azərbaycan Hava Yolları" QSC (AZAL) İrana və əks istiqamətdən olan reyslərə bir sıra məhdudiyyətlər tətbiq edib.

BakuPost.az xəbər verir ki, bu barədə AZAL-ın rəsmi açıqlamasında bildirilib.

Fevralın 29-dan etibarən "Buta Airways" aşağıbüdcəli aviaşirkətinin Tehran-Bakı istiqaməti üzrə yerinə yetirilən reyslərinə yalnız Azərbaycan vətəndaşları, Bakı-Tehran reyslərinə isə yalnız İran vətəndaşları buraxılacaq.

Yuxarıda qeyd olunan meyarlara cavab verməyən sərnişinlər aviabiletlərin geri qaytarılması üçün biletin alındığı kassaya müraciət edə, onlayn alındığı təqdirdə isə aviaşirkətin 24 saat işləyən çağrı mərkəzi – callcenter@butaairways.az ilə əlaqə saxlaya bilər.

Əvvəl də qeyd edildiyi kimi, Heydər Əliyev Beynəlxalq Aeroportunun müvafiq qurumları Dövlət Gömrük Komitəsi və Azərbaycan Respublikası Səhiyyə Nazirliyi ilə birlikdə İrandan gələn reyslərdə sanitar-karantin nəzarətini gücləndirmiş, bu istiqamətdə əlavə tədbirlər görüb.