Son Xəbər: Prezident müddətli həqiqi hərbi xidmətə çağırışla bağlı sərəncam imzalayıb, Baş nazirdən yeni qərar: Bu tələbələrə ödəniş EDİLƏCƏK, Qərbi Azərbaycana Qayıdış üzrə Təşəbbüs Qrupu Bəyanat yaydı, Müdafiə naziri: Ali Baş Komandanın Ordumuzun gücünü bir daha qeyd etməsi istənilən təxribatlara qarşı məsuliyyətimizi artırır, Tramp Rusiya-Ukrayna münaqişəsi üzrə xüsusi elçisinin adını açıqladı, Belçika səfirliyi: “COP29-da inanılmaz əməkdaşlığa şahid olduq” – FOTO, Azərbaycanda zəlzələ olub, İranda elmi işini hicabsız müdafiə edən xanım bir il azadlıqdan məhrum edilib, UEFA-dan azərbaycanlı mütəxəssisə növbəti TƏYİNAT, Pulsuz ictimai nəqliyyat xidməti bu tarixdə başa çatır,

Azərbaycan nəhəng layihələr həyata keçirir: Burada milyardlardan söhbət gedir - ŞƏRH

Tarix: 14-02-2023, 16:56

Fevralın 13-də Bakıda “Gülüstan” sarayında müstəqillik dövrünün 1280 MVt gücündə ən böyük İstilik Elektrik Stansiyasının təməlqoyma mərasimi keçirilib.

Prezident İlham Əliyev tədbirdə iştirak edib. Ölkə başçısı qeyd edib ki, Mingəçevir şəhərində əsası qoyulan yeni 1280 meqavat gücündə elektrik stansiyasının açılışı 2025-ci ildə baş tutacaq:

“Bu, çox əlamətdar hadisədir, ölkəmizin enerji potensialını böyük dərəcədə gücləndirəcək, eyni zamanda, Mingəçevirin Azərbaycanın elektroenergetika mərkəzi kimi önəmini daha da artıracaq”,-deyə Prezident qeyd edib.

Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov Oxu.Az-a deyib ki, Azərbaycan enerji sahəsində çox ciddi addımlar atıb.

Deputatın sözlərinə görə, neft, qaz, yaşıl enerji ilə əlaqədar olduqca əhəmiyyətli layihələr hazırlanıb, bəzilərinin artıq icrasına başlanıb:

Ötən ay Prezident İlham Əliyev Macarıstana səfər etdi. Daha sonra isə Rumıniya prezidentinin Bakıya səfəri baş tutdu.

Fevralın 3-də Bakıda, “Gülüstan” sarayında Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclasları keçirildi.

Millət vəkili Vahid Əhmədov qeyd edib ki, bu səfərlər və keçirilən tədbirlər çərçivəsində bir çox ölkələrlə tərəfdaşlıq müqaviləsi, enerji ixracının genişləndirilməsinə xidmət edən razılaşmalar imzalanıb.

“Hətta Azərbaycanın təkcə ixrac potensialı deyil, həm də nəqliyyat dəhlizi kimi əhəmiyyəti də gündəmə gəldi. Türkmənistan qazının Azərbaycan vasitəsilə Avropaya ixracı müzakirə mövzusuna çevrildi. Ötən gün Prezident İlham Əliyevin təməlqoyma mərasimində iştirak etdiyi ən böyük İstilik Elektrik Stansiyasının yaradılmasından da aydın olur ki, Azərbaycan Cənubi Qafqazda enerji ixracına görə imkanlarını və potensialını genişləndirmək niyyətindədir.

Enerji ixracından gələcək gəlirlərin hesablanması olduqca çətindir. Burada milyardlardan söhbət gedir. Faktiki olaraq, Azərbaycan Avropa üçün əsas neft və qaz ixracı dövlətinə çevrilib. Ölkəmizə diqqət kifayət qədər böyükdür. Enerji sahəsində imzalanan razılaşmalar böyük iqtisadi nailiyyətlərə səbəb olacaq”,-deyə Vahid Əhmədov söyləyib.

Parlamentari yaşıl enerji ilə əlaqədar nəzərdə tutulan gələcək planlara da toxunub. O qeyd edib ki, Azərbaycanın bu sahədə kifayət qədər potensialı var:

“Bu sahədə kifayət qədər əhatəli işlər həyata keçirilir. Gələcəkdə yaşıl enerji ilə əlaqədar önəmli inkişafın təmin ediləcəyi, hətta Azərbaycanın artıq yaşıl enerji potensialından istifadə edərək dünyaya enerji ixracını daha da artıracağı proqnozlaşdırılır.

Ötən illərin statistikasına nəzər saldıqda görürük ki, Azərbaycanın neft və ümumən enerji ixracından əldə etdiyi gəlirlər qeyri-neft sektorunun inkişafına yönəldib. İldən ilə qeyri-neft sektorunun inkişafı sürətlənir. Təbii ki, bu artım biz istədiyimiz səviyyədə deyil. Amma qeyri-neft sektorunda inkişafın ləng getdiyini də söyləmək real olmaz.

Enerji sahəsindən gələn gəlirlər əsasən, işğaldan azad olunmuş ərazilərin bərpası, insanların sosial rifahının yaxşılaşdırılmasına yönəldilməlidir. Bununla bərabər dünyada gedən proseslərin fonunda dövlətin təhlükəsizliyinə diqqətin artırılması da nəzərdə tutulur”,-deyə Vahid Əhmədov fikirlərini yekunlaşdırıb.

14-02-2023, 16:56 73 Siyasət