Nigeriyada neft kəmərində partlayış olub, 15 nəfər ölüb

Tarix: 16-03-2020, 08:57

NigeriyaLaqos meqapolisinə daxil olanAbul-Ado şəhərindəneft kəmərinin bir hissəsindəbaş vermişpartlayış nəticəsində azı15 nəfər ölüb.

Mediabiz.az “TASS”-a istinadən xəbər verir ki, bu barədə Nigeriyanın “Vanguard” qəzeti məlumat yayıb.

“İnsident zamanı daha 60 nəfər xəsarət alıb. Onların əksəriyyəti qız kollecinin tələbələridir”, - deyə Laqosdakı Fövqəladə İdarəetmə Agentliyinin koordinatoru İbrahim Farinloye bildirib.

Partlayış nəticəsində 50 bina, o cümlədən bir kollec və otelin ziyan çəkdiyini deyilir.

Nəşr qeyd edir ki, rəsmilər partlayışın səbəbini və onun episentrinin dəqiq yerini hələ ki müəyyən edə bilməyiblər. İlkin məlumatlara görə, boru kəmərinin bir hissəsi qanunsuz müdaxilə nəticəsində partlayıb.