Son Xəbər: Əli Əsədov və Denis Şmiqal Azərbaycan ilə Ukrayna arasında ikitərəfli əməkdaşlığın mövcud vəziyyəti müzakirə ediblər, Azərbaycan və Özbəkistan XİN rəhbərləri strateji müttəfiqlik münasibətlərini müzakirə ediblər, Şahin Bağırov Xankəndidə vətəndaşları qəbul edəcək, Yol polisi: Küləkli havada avtomobillərin qapalı məkanlarda park olunması tövsiyə olunur, Azərbaycanda Milli Kibertəhlükəsizlik Agentliyi yaradılıb - FƏRMAN, Azərbaycanlı biznesmen çətin sınaq qarşısında - milyardlarını itirə bilər, Komitə rəsmisi: Azərbaycanda erkən nikahlar əvvəlki illərlə müqayisədə 5-6 dəfə azalıb, TƏBİB-in mətbuat departamentinə yeni rəhbər təyin olunub, Səyyar ASAN xidmətin iyunda fəaliyyət göstərəcəyi ünvanlar açıqlanıb, Azərbaycan XİN İtaliyanı Milli Günü münasibətilə təbrik edib,

Futbol üzrə dünya çempionları Bakı Olimpiya Stadionunda oynaya bilər

Tarix: 15-11-2019, 10:05

Futbol üzrə 2020-ci il Avropa çempionatına daha üç komanda vəsiqə qazanıb.

Oxu.Az xəbər verir ki, H qrupunda Türkiyənin ardından son dünya çempionları Fransa, A qrupunda isə İngiltərə və Çexiya vəsiqə qazanıb.

A qrupunun lideri İngiltərə Monteneqronu 7:0 darmadağın etməklə, Çexiya isə əsas rəqibi Kosovo üzərində əzmkar qələbə (2:1) qazanmaqla buna nail olub.

Əsas rəqiblərindən olan İslandiya ilə qolsuz heç-heçə etməklə Türkiyə yığmasının Avro-2020-yə çıxdığını bildirmişdik. H qrupunda Fransa Moldova üzərində əzmkar qələbə (2:1) qazanmaqla, həm liderliyi ələ alıb, həm də vəsiqəni bir tur öncədən təmin edib.

Xatırladaq ki, daha əvvəl Ukrayna, İspaniya, Polşa, Belçika, Rusiya və İtaliya milliləri iki tur öncədən Avro-2020-yə vəsiqə qazanıb.

Qeyd edək ki, 12 iyun - 12 iyul tarixlərində baş tutacaq Avro-2020-nin dörd oyunu Bakıda keçiriləcək. Üç qrup və bir 1/4 final matçı Bakı Olimpiya Stadionunda baş tutacaq. İngiltərə ev sahiblərindən biri olduğundan, qrup oyunlarını Londonda keçirəcək. Fransa millisinin isə hansı qrupda yer alacağı bilinmir.