Son Xəbər: Əli Əsədov və Denis Şmiqal Azərbaycan ilə Ukrayna arasında ikitərəfli əməkdaşlığın mövcud vəziyyəti müzakirə ediblər, Azərbaycan və Özbəkistan XİN rəhbərləri strateji müttəfiqlik münasibətlərini müzakirə ediblər, Şahin Bağırov Xankəndidə vətəndaşları qəbul edəcək, Yol polisi: Küləkli havada avtomobillərin qapalı məkanlarda park olunması tövsiyə olunur, Azərbaycanda Milli Kibertəhlükəsizlik Agentliyi yaradılıb - FƏRMAN, Azərbaycanlı biznesmen çətin sınaq qarşısında - milyardlarını itirə bilər, Komitə rəsmisi: Azərbaycanda erkən nikahlar əvvəlki illərlə müqayisədə 5-6 dəfə azalıb, TƏBİB-in mətbuat departamentinə yeni rəhbər təyin olunub, Səyyar ASAN xidmətin iyunda fəaliyyət göstərəcəyi ünvanlar açıqlanıb, Azərbaycan XİN İtaliyanı Milli Günü münasibətilə təbrik edib,

ABŞ-dan İrana XƏBƏRDARLIQ - Qətllərə son qoy, interneti bərpa et

Tarix: 19-11-2019, 11:55

ABŞ dövlət katibi Mayk Pompeo İran hakimiyyətini ölkədə interneti bərpa etməyə çağırıb.

Publika.az xəbər verir ki, Pompeo bildirib ki, ABŞ İrandakı aksiyaları diqqətlə izləyir:
"Biz xalqa qarşı törədilən istənilən zorakılıq hərəkətlərini qətiyyətlə pisləyirik. Bir neçə nəfərin ölüm xəbərindən çox narahatıq. İran hakimiyyəti öz xalqına zor tətbiq etməyə son qoymalı və interneti bərpa etməlidir", - Pompeo jurnalistlərə açıqlamasında deyib.

Qeyd edək ki, İrandakı internet problemi barədə RİA "Novosti"nin Tehrandakı xüsusi müxbiri də məlumat verib. İnternet təhlili ilə məşğul olan qeyri-hökumət təşkilatı "Netblocks" isə İranda internetin tamamilə kəsildiyini bildirib.

İran hökumətinin təmsilçisi Əli Rabii bəyan edib ki, problem 1-2 gün içərisində həll olunacaq.
İranın İnformasiya və Kommunikasiya Texnologiyaları Nazirliyi isə internetin Milli Təhlükəsizlik Şurasının qərarı əsasında kəsildiyini bəyan edib.