Son Xəbər: Sabah Yevlaxın bir hissəsində qaz kəsiləcək, İsrail Müdafiə Qüvvələri Suriya sərhədində xaosa hazır olmadığını bildirib, Qurbanqulu Berdiməhəmmədovun qızı Bakı Kitab Mərkəzində olub, Paşinyan: Ermənistan Aİ-yə üzv olmaq istəyir, Qurbanqulu Berdiməhəmmədov Zəfər parkını ziyarət edib, Qurbanqulu Berdiməhəmmədov İƏT-in Zirvə görüşünün Xankəndidə uğurla keçirilməsi münasibətilə Azərbaycanı təbrik edib, Rusiya FHN: Mi-8 helikopterinin qəzaya uğradığı yerdən 5 nəfərin meyiti tapılıb - YENİLƏNİB, Ermənistan Prezidenti ətraf mühit nazirini vəzifəsindən azad edib, İstanbulda atışma olub, yaralananlar var, Cəlilabadda meşədəki yanğın nəticəsində bir nəfər tüstüdən zəhərlənib - YENİLƏNİB,

Azərbaycanda ən yüksək və ən aşağı pensiyalar bu rayonlarda verilir - RƏSMİ

Tarix: 21-11-2019, 16:22

Bu ilin oktyabr ayının 1-nə olan məlumata görə, Azərbaycanda 1 milyon 281 min 993 nəfər pensiyaçı olub.

Yeniavaz.com açıqlanan rəsmi statistikaya istinadən bildirir ki, pensiyaçılara verilən orta aylıq pensiya məbləği 240 manat 57 qəpik olub.
Paytaxt Bakıda orta aylıq pensiya məbləği 332 manat 96 qəpik olub. Bakıdan sonra ən yüksək orta aylıq pensiya Zəngilan rayonunda verilib. Bu rayonda orta aylıq pensiya məbləği 236 manat 9 qəpik olub. Zəngilan rayonundan sonra ən yüksək pensiyanın verildiyi şəhər və rayonlar arasında Xızı (231,9 manat), Şirvan (229 manat), Şuşa (227,2 manat), Siyəzən (222,6 manat) və Sumqayıt (220,2 manat) ilk sırada yer alıblar.

Pensiyaçılara verilən ən aşağı pensiya məbləği Lerik rayonunda qeydə alınıb. Bu rayonda orta aylıq pensiya məbləği 172 manat 23 qəpik olub. Aşağı pensiyanın verildiyi rayonlar arasında Masallı (181,3 manat), Xaçmaz (182,4 manat), Yardımlı (182,6 manat), Balakən (185,9 manat) və Quba (186 manat) yer alıb.