Son Xəbər: Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir, İqtisadi sahədəki bəzi cinayətlərə görə məsuliyyətin ləğv edilməsi son oxunuşda qəbul edilib, Zakir Həsənov Selçuk Bayraktarı qəbul edib, PUA hücumları nəticəsində Rusiyada NEZ və neft məhsulları saxlanılan obyektlərdə yanğınlar olub, Azərbaycan UEFA reytinqində bu həftə 0,750 əmsal qazanıb, Çində ayaqqabı fabrikində yanğın baş verib, itkin düşənlər var, İran ABŞ-ı Buşehr AES-in yaxınlığına hücumda ittiham edir, Xırdalan bələdiyyəsinin sabiq sədrinin qanunsuz əməlləri ilə bağlı cinayət işi məhkəməyə göndərilib, Sabah 37 dərəcə isti olacaq, Müdafiə Nazirliyi ilə Rəqəmsal İnkişaf və Nəqliyyat Nazirliyi kibertəhlükəsizlik sahəsində əməkdaşlığı müzakirə edib,

Rusiyada azərbaycanlı tələbəni öldürən şəxsin kimliyi məlum oldu

Tarix: 21-06-2020, 13:56

Volqoqradda amansızcasına qətlə yetirilən azərbaycanlı tələbə Timur Qavrilovun qətlində şübhəli bilinən şəxsin kimliyi müəyyən edilib.
Bu barədə Rusiyanın İstintaq komitəsinin regional şöbəsi tərəfindən məlumat verilib.
İstintaqın versiyasına əsasən, 17 yaşlı Timurun qətlində şübhəli bilinən 22 yaşlı Vitali Vasilyev barəsində axtarış elan edilib. "Vitali Vasilyev barəsində federal axtarış elan edilib. Onun axtarışlarına Daxili İşlər Nazirliyinin əməkdaşları göndərilib”- Rusiya Daxili İşlər Nazirliyinin mətbuat xidmətindən bildirilib.
Şübhəli şəxsin kimliyi polis və istintaq orqanları əməkdaşlarının, o cümlədən də şəhər sakinlərinin aktiv mövqeyi nəticəsində müəyyən edilib.
Qətlə yetirilən tələbənin yaxınları Timurun qəddarcasına öldürülməsinin səbəbini bilmək istəyirlər.
"Bildiyimizə görə, bu insan qətldən sonra dərhal Volqoqraddan qaçmağa müvəffəq olub. Amma hər hansı nüanslar barədə bizə verilməyib. Yaxın günlərdə müstəntiqlər qətlin təfərrüatı barədə məlumat verəcəklərinə söz veriblər”- mərhumun qardaşı belə deyib. (virtualaz)