Bakıda 6 tələbə qız dəm qazından zəhərləndi

Tarix: 26-11-2019, 10:04

Həkimlər tələbə qızların vəziyyətini orta-ağır kimi qiymətləndirirlər
 
Xəzər Universitetinin 6 tələbəsi zəhərlənib.
 
Səhiyyə Nazirliyindən Mediabiz.az-a verilən məlumata görə, tələbələr Təcili Tibbi yardım avtomobili ilə 1 saylı Kliniki Tibbi Mərkəzin Toksikologiya şöbəsinə gətiriblər. 
 
Onların dəm qazından zəhərlənməsi ehtimal edilir. 
 
Qeyd edək ki, Təcili Tibbi yardıma çağırış saat 04:47-də olub. Tələbə qızların dediyinə görə, hadisə kirayədə qaldıqları Qara Qarayev pr. 76, mənzil 28 ünvanında baş verib.
 
Həkimlər tələbə qızların vəziyyətini orta-ağır kimi qiymətləndirirlər. Onlara lazımi tibbi yardım göstərilib. Hazırda müalicələri davam edir.