“Təbəssüm Məmmədovanın meyiti bir gün sonra yaxınlarına təhvil verilib” - AÇIQLAMA

Tarix: 30-06-2020, 13:15

“Təbəssüm Məmmədovanın xəstəxanada 17 günlük müalicəsinə 45-46 min manat borc yazılsa da, 30 min manat pul alınıb”.

Mediabiz.az-ın xəbərinə görə, bu barədə “Bona Dea” Beynəlxalq Hospitalının baş həkimi Cabir Gülmalıyev 22 yaşlı pasiyent Təbəssüm Məmmədovanın meyitinin ailəsinə təhvil verilməməsi ilə bağlı məsələ ətrafında keçirilən mətbuat konfransında məlumat verib.

O bildirib ki, damarlarda qanaxmaların bağlanılması üçün çox müdaxilə edilib:

“Təbəssüm Məmmədovanın anasının səsləndirdiyi iddia doğru deyil. Bizim personaldan heç kim ona 30 min manatın bizi qane etmədiyini deməyib. Deyə bilməz.

Ümumi xərclər 45-46 min manata yaxın olsa da, biz tibbi xidmətin pulunu - 30 min manatı qəbul etmişik. Meyit də bir gün sonra yaxınlarına təhvil verilib”.