Son Xəbər: Azərbaycan XİN: Fransa tərəfi üzr istəməlidir, Azərbaycan və Belarus prezidentləri Füzuli şəhərinin dağıdılmış yerlərinə baxıb və şəhərin Baş planı ilə tanış olublar, Belarus Prezidenti Füzuli rayonuna səfər edib, Deputat: Bəzən iş elanları vasitəsilə müəyyən şəxslər insan alveri qurbanlarına çevrilir, Azərbaycanda insan alveri qurbanlarının ən çox olduğu şəhər və rayonlar məlum olub - SİYAHI, Rövşən Nəcəf UEFA prezidenti ilə görüşüb, Azərbaycana qar yağır - FOTOlar, Günün qoroskopu: Uzun söhbətlərə baş qoşmayın, Əli Əsədov Efiopiyanın baş nazirinin müavini ilə görüşüb, Kobaxidze: Aİ-yə üzv ölkələrin xarici işlər nazirlərinin Tbilisidə etirazlarda iştirakı təəssüf doğurur,

İstixanaların “Azəriqaz”a 11 milyon manat borcu var - RƏSMİ

Tarix: 18-07-2020, 11:12

“Bu gün Şəmkir rayonunda fəaliyyət göstərən istixana sahiblərinin “Azəriqaz” İstehsalat Birliyinə 11 milyon manat borcu var”.

Bu barədə Oxu.Az-ın sorğusuna cavab olaraq, birliyinin İctimaiyyətlə əlaqələr şöbəsinin rəisi Ceyhun Səfərov bildirib.

Onun sözlərinə görə, Şəmkirdəki istixana sahiblərinin borcu ödəməsində cüzi artım var:

“İstixanalarla əlaqədar əsas problem Şəmkir bölgəsi ilə bağlıdır. Bu obyektlərin sahiblərinin “Azəriqaz” İstehsalat Birliyinə 11 milyona yaxın borcu qalıb. İyun ayının 12-də borcun ödənilməsi 56 faiz təşkil edirdi. Cari ayın həmin dövründə isə ödənişlərdə beş faizə yaxın artım müşahidə olunub. Nəticədə, 61 faiz borc ödənilib”.

C.Səfərov qeyd edib ki, istixanaların daha çox olduğu Salyan və Bakı zonasında da borcların ödənilməsində artım müşahidə olunur:

“Ötən ay Bakıda ödəniş 83 faiz idi, hazırda 88 faiz təşkil edir. Salyanda isə ötən ay 82 faiz idi, bu ay 84 faizdir”.