Lavrov açıqladı: Xəzər ölkələri bu tarixdə bir araya gəlir

Tarix: 9-09-2020, 19:20

II Xəzər İqtisadi Forumu 2021-ci ildə Moskvada keçiriləcək.

Bu barədə Rusiyanın Xarici İşlər naziri Sergey Lavrov Qazaxıstanın XİN başçısı Muxtar Tleuberdi ilə görüşdə bildirib.

"Eyni zamanda biz Altıncı Xəzər Sammitinə hazırlıq işləri aparırıq. Bu tədbir, bu zirvə görüşü üçün çox sanballı sənədlər paketi hazırlanır", - Lavrov qeyd edib.
S.Lavrov vurğulayıb ki, Rusiya və Qazaxıstan “Xəzər beşliyi” tərkibində qarşılıqlı fəaliyyətin möhkəmləndirilməsinin davam edilməsi zərurətinə aid məsələdə vahid mövqe tuturlar. Nazirin fikrincə, regionda təhlükəsizliyin, nəqliyyat əlaqəsinin, ətraf mühitin qorunması, turizmin inkişafı, elmi əlaqələrin təmin edilməsinə görə əsas məsuliyyət Xəzəryanı region ölkələrinin (Rusiya, Azərbaycan, İran, Qazaxıstan və Türkmənistan) üzərinə düşür.