Azərbaycan iqtisadiyyatına kredit qoyuluşları 18% artıb

Tarix: 3-12-2019, 16:48

Bu ilin noyabrın 1-nə Azərbaycanda fəaliyyət göstərən kredit təşkilatları tərəfindən ölkə iqtisadiyyatına kredit qoyuluşlarının həcmi 14 075 mln. manat təşkil edib.
Azərbaycan Mərkəzi Bankından (AMB) Redaktor.az-a verilən məlumata görə, bu göstərici son bir ayda 202,9 mln. manat və ya 1,5% artıb.
Cari ilin əvvəli ilə müqayisədə kredit qoyuluşlarının həcmi 1 446,7 mln. manat və ya 11,5%, ötən ilin eyni dövrü ilə müqayisədə isə 2 185,8 mln. manat və ya 18,4% artıb.
Qeyd edək ki, Azərbaycanda kreditləşmənin artımı əsasən istehlak kreditlərinin çoxalması hesabına baş verib.