Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Torpaq, yoxsa ünvanlı sosial yardım – Dolaşıq məsələ

Torpaq, yoxsa ünvanlı sosial yardım – Dolaşıq məsələ

Tarix: 9-03-2021, 09:17

21 oktyabr 2005-ci ildə Azərbaycan Milli Məclisi aztəminatlı ailələrə dövlətdən maddi yardımın verilməsini nəzərdə tutan “Ünvanlı dövlət sosial yardımı haqqında” Qanun qəbul etdi. Bu qanuna görə, maddi yardımın verilməsinə dair qərarlar Dövlət Sosial Müdafiə Fondu (DSMF) tərəfindən qəbul edilir.

Bu yaxınlarda DSMF Yardımlı rayon sakini, I qrup əlil İlkin Qaraşova ünvanlı dövlət sosial yardımı (ÜDSY) verməkdən imtina etdi. İmtina səbəbi İlkin Qaraşovun bir torpaq sahəsinə sahib olmasıdır.

“Ünvanlı dövlət sosial yardımı haqqında” Azərbaycan Respublikası Qanununun 3-cü maddəsinə əsasən, dövlətdən yardımı - orta aylıq gəliri özlərindən asılı olmayan səbəbdən hər bir ailə üzvü üçün ehtiyac meyarından az olan aztəminatlı ailələr ala bilər. Bu qanunda torpaq sahəsinə sahib olan şəxslərin ÜDSY üçün müraciət edə bilməməsi barədə bir şey deyilmir.

DSMF-in İctimaiyyətlə əlaqələr şöbəsinin müdiri Rəşad Mehdilinin AYNA-ya dediyinə görə, ÜDSY alacağını gözləyən ölkə vətəndaşları qurumun şöbələrinə elektron formada müraciət etməlidirlər: “Vətəndaş Fondumuza elektron formada müraciət etdikdən sonra gəlirlərinin ünvanlı yardım almaq meyarlarına cavab verib-vermədiyini yoxlayırıq. Qeyd etmək istərdim ki, torpaq mülkiyyəti vətəndaşı ünvanlı sosial yardım almaq hüququndan qətiyyən məhrum etmir. Ancaq torpaq sahəsinin sahibi əmlakını qeydiyyatdan keçirməlidir”.

Əlil Qadınlar İctimai Birliyinin sədri Məhluqə Rəhimli isə Rəşad Mehdilinin açıqlamaları ilə razı deyil. O, AYNA-ya açıqlamasında bildirib ki, torpaq sahəsinə sahib olmaq vətəndaşı ÜDSY almaq imkanlarından məhrum edir: “Artıq belə faktlarla çox qarşılaşmışıq. Bu məsələ ilə bağlı Milli Məclisə müraciət etməyə hazırlaşırıq”.

İctimai Birlik rəhbərinin fikrincə, əlilin yalnız bir torpaq sahəsinə sahib olması səbəbindən ünvanlı sosial yardımdan imtina edilməsi çox ciddi faktdır: “Çünki bu torpaq sahəsinin, ümumiyyətlə bu əlil tərəfindən istifadə edildiyi və onun üçün gəlir mənbəyi olduğu yoxlanılmır belə. Ancaq əlil bir insanın davamlı olaraq dərman alması lazımdır və adi sağlam insanlardan daha yaxşı qidalanması lazımdır”.

Gözdən Əlillər Cəmiyyətinin sədr müavini Reyhan Cəfərova da əməkdaşımızla söhbətində qeyd edib ki, torpaq sahəsinə sahib olan əlillər ÜDSY almaq imkanından məhrumdurlar: “Bunun səhv olduğunu düşünürəm. Hər bir konkret qərar üçün əvvəlcə bu torpağın əlil bir şəxs üçün gəlir mənbəyi olub-olmadığını öyrənməlisiniz və yalnız bundan sonra imtina barədə qərar verməlisiniz”.




RƏYLƏR


REKLAM

XƏBƏR LENTİ

POPULYAR XƏBƏRLƏR