Azərbaycanda toyda faciə: Həkimi döydülər, təcili yardım maşınına isə...

Tarix: 21-12-2019, 10:57

Lənkəran şəhərində döyülmə hadisəsi baş verib.

Report xəbər verir ki, şəhərdə yerləşən şadlıq saraylarından birində 60 yaşlı Axundova Xeyrannisə Cəlil qızının qəfil halı pisləşib. Ona tibbi yardım göstərilməsi üçün təcili yardım çağırılıb.

Hadisə yerinə gələn Təcili və Təxirəsalınmaz Tibbi Yardım Stansiyasının həkimi Həsənov Vüsal Fayaz oğlu, xəstənin həyatını xilas edə bilmədiyi üçün mərhumun qohumları tərəfindən döyülüb. Həkim baş və üz nahiyələrindən xəsarət alıb. O, kəllə-beyin travması alaraq reanimasiya şöbəsinə yerləşdirilib.
Təcili yardım maşınına da ziyan vurulub. Xəstənin ürək tutmasından keçindiyi bildirilir. 

Faktla bağlı araşdırma aparılır.