Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Bu deputatlar yenidən öz namizədliklərini irəli sürdülər - Siyahı

Bu deputatlar yenidən öz namizədliklərini irəli sürdülər - Siyahı

Tarix: 21-12-2019, 11:29

Növbədənkənar parlament seçkilərində iştirak edəcək bitərəf deputatlardan bəziləri hakim Yeni Azərbaycan Partiyasının (YAP) siyahısını gözləmədən iddialarını ortaya qoyub.
 
 Yenisabah.az xəbər verir ki, artıq Azay Quliyevlə Adil Əliyev namizəd olacaqlarını ictimailəşdiriblər.Azay Quliyev bu barədə "Twitter” hesabında yazıb. "Milli Məclisdə şərəflə təmsil etdiyim 8 saylı Binəqədi birinci seçki dairəsindən yenidən deputatlığa namizədliyimi irəli ürməyə qərar verdim”, -deyə o bildirib.

Adil Əliyev isə namizəd olacağını "Facebook” hesabında bəyan edib: "Ya Allah! Dostlar, çox saylı seçicilərimin, müraciətlərini nəzərə alıb, Nərimanov rayonu 20 saylı, 2- ci seçki dairəsindən, inşallah yola davam edəcəm”.

Məlumatlara görə, artıq 25 ildir deputat olan Madər Musayev də növbəti dəfə parlamentdə təmsil olunmaq istəyir. Onun  10 saylı Binəqədi üçüncü seçki dairəsindən namizəd olacağı bildirilir.

İddialara görə, Madər Musayev artıq imzatoplama kampaniyasına start verib.

Həmçinin, Böyük Quruluş Partiyasının başqanı Fazil Mustafa da 26 saylı Sabunçu seçki dairəsindən özz namizədliyini irəli sürüb.
Bitərəflərdən Qənirə Paşayevanın, Çingiz Qənizadənin, Səttar Mehbalıyevin, Mahir Aslanovun, Ülvi Quliyevin, Fəttah Heydərovun, Zahid Orucun da seçkilərə qatılacağı bildirilir. 

Məlumat üçün deyək ki, adıçəkilən şəxslər bundan əvvəlki seçkilərə də bitərəf kimi qatılıblar. YAP onların namizəd olduğu dairəni boş buraxıb. Yəni, həmin dairələrdən namizəd irəli sürməyib. Həmin dairələrdə hakim partiyanın resursları bu şəxslərin qalib gəlməsi üçün istifadə edilib. 

Bu dəfə də belə olacağı bəlli deyil. Yuxarıda qeyd etdiyimiz kimi hakim partiya hələ siyahını açıqlamayıb. Lakin bəzi məlumatlara görə, iddialarını ortaya qoyan bitərəflər YAP-ın xeyir-duası ilə namizəd olacaqlarını açıqlayıblar.




RƏYLƏR


REKLAM

XƏBƏR LENTİ

POPULYAR XƏBƏRLƏR