Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Bakının mərkəzində BİABIRÇILIQ: Azyaşlılar gecə vaxtı məcburi əməyə cəlb olunurlar - VİDEO

Bakının mərkəzində BİABIRÇILIQ: Azyaşlılar gecə vaxtı məcburi əməyə cəlb olunurlar - VİDEO

Tarix: 1-11-2022, 11:40

 
Paytaxtda gecə saatlarında uşaqların əməyini istismar edən bir qrup şəxs peyda olub. Belə ki, Nizami küçəsində insanların xoş niyyətindən sui-istifadə edərək azyaşlıları gül satmağa məcbur edirlər.

Kadrlarda olan uşaqların 11-12 yaşı var. Kameranı görən kimi qaçsalar da, Baku TV-nin əməkdaşı uşaqlardan birini şifahi şəkildə danışdırmağa müvəffəq olub. Qızcığazın dediyinə görə, 12 yaşı var, ara-sıra məktəbə gedir.

Azyaşlı deyir ki, gecə gec saatlara qədər 8 manatdan təxminən 8-9 gül sata bilir və bunun müqabilində 7 manat alır. Təəssüf ki, onları bu işə məcbur edənin kimliyini öyrənmək mümkün olmayıb. 

Mövcud qanunvericiliyə əsasən, uşaqların həyat və sağlamlığına, onların mənəviyyatına təhlükə törədə biləcək fəaliyyətə cəlb edilmələri qadağandır. Həmçinin Konstitusiyamıza və əmək qanunvericiliyinə görə, uşaqların işə qəbul edilməsi üçün minimum 15 yaşları tamam olmalıdır. 

Bəs görəsən, belə uşaqların valideynləri ilə bağlı qanunvericilikdə nələr nəzərdə tutulub? 

Hüquqşünas Hüseyn İsmayılov qeyd edib ki, Ailə Məcəlləsinə görə, uşağa qarşı istismar həyata keçirildiyi halda digər valideynin, yaxın qohumların, yaxud da yetkinlik yaşına çatmayanların hüquqlarının müdafiəsi üzrə komissiyaların və yerli icra hakimiyyəti orqanlarının müraciəti ilə onlar valideynlik hüququndan məhrum edilə bilər.

Maraqlıdır ki, bütün bunlar şəhərin düz mərkəzində, demək olar ki, əksər qurumların gözləri önündə baş verir. Bəs görəsən, aidiyyəti şəxslər bu azyaşlıları niyə görmür?

Ətraflı videonu təqdim edirik:





RƏYLƏR


REKLAM

XƏBƏR LENTİ

POPULYAR XƏBƏRLƏR